Nélmaxnagko amonye' nenteyenma
1 Dios,
apteme nak chá'a
ko'o semasma,
¡heyátegmowák sa' ko'o
sekwóneyncha'a enxoho!
Xeyep axta
setaqmelchessáseykekxa ewáxok,
cham'a ekwa'a axta
eklegeykegkoho ewáxok,
¡Yepyósho ko'o hélano',
yeyxho sélmaxnagko!
2 Kéxegke kélanagko
nak chá'a kóltáhak
énxet ekha kéláyo,
¿háxko sa' ekwánxa
ekhem kammok
kélenmexeykha m'a
ektémakxa nak
ko'o meyke sektémakxa?
¿háxko sa' ekwánxa
ekhem kammok
kélmámenyého m'a
aqsok ekteme nak mékoho,
tén han kélchetamso m'a
aqsok megkamámnaqsoho nak?
3 Kólya'asagkoho sa' kéxegke,
wánxa aqsa apmenyeyk
Wesse' egegkok ma'a
énxet apteme nak
chá'a meyenyaweykha;
kólya'asagkoho sa' kéxegke,
heyeyxhok chá'a ko'o Wesse' egegkok
ma'a sekwóneyncha'a enxoho chá'a.
4 ¡Kóláwho sa',
kólwátésák kélláneyak
megkólya'assáxma!
Kólhák kaxwo',
meyke kélpaqméteykha,
kólxénekxa kélagko' ma'a
ektémakxa nak
élchetamso kélwáxok;
5 Kólmés kélmésso naqsa aqsok Dios
meyke kéltemessáseykha naqsa,
nágkólya'ássem ma'a
Wesse' egegkok.
6 Apxámok énxet apteme
chá'a apkelpeywa s'e:
“¿Yaqsa negko'o hegwetaksek
ma'a ektaqmalma nak negheykha?”
Wesse',
¡henlano negko'o yetlo
ektaqmeleykha apwáxok!
7 Egkéssegkek xép ekyawe agko'
ekpayheykekxa ewáxok,
máxa m'a énxet apxámokma nak
hótáhap apagkok,
tén han ma'a ekxámokma nak
anmen yámet égmenek apagkok.
8 Wesse',
eytek chá'a ko'o
meyke sélya'ásekhaxma,
ñohok nahan chá'a atyenek,
hakte xép keñamak segkésso
meyke ektáhakxa ewáxok.
Oración vespertina de confianza en Dios
Al músico principal; sobre Neginot. Salmo de David.
1 Respóndeme cuando clamo, oh Dios de mi justicia.
Cuando estaba en angustia, tú me hiciste ensanchar;
Ten misericordia de mí, y oye mi oración.
2 Hijos de los hombres, ¿hasta cuándo volveréis mi honra en infamia,
Amaréis la vanidad, y buscaréis la mentira? Selah
3 Sabed, pues, que Jehová ha escogido al piadoso para sí;
Jehová oirá cuando yo a él clamare.
4 Temblad, y no pequéis;
Meditad en vuestro corazón estando en vuestra cama, y callad. Selah
5 Ofreced sacrificios de justicia,
Y confiad en Jehová.
6 Muchos son los que dicen: ¿Quién nos mostrará el bien?
Alza sobre nosotros, oh Jehová, la luz de tu rostro.
7 Tú diste alegría a mi corazón
Mayor que la de ellos cuando abundaba su grano y su mosto.
8 En paz me acostaré, y asimismo dormiré;
Porque solo tú, Jehová, me haces vivir confiado.
