Santiago apketsapma keñe Pedro apmomap
1 Apcheynamók axta apnaqtawáseykegkoho wesse' apwányam Herodes nápakha Dios énxet'ák apagkok xa ekhem nak. 2 Apkeltémók axta kólyetxák sawo ekwenaqte kólaqhek ma'a Santiago, Juan axta apyáxeg. 3 Xama axta apweteya ekleklamo apkelwáxok judíos xa, apkeltémók axta nahan emakpok ma'a Pedro. Cháqhémók axta nahan ektéma kélessawássessamókxa axta chá'a aptámákpexa kelpasmaga meyke kempáseyak. 4 Apchaqxegkessegkek axta kañe' negmomaxchexa wesse' apwányam Herodes ma'a Pedro natámen axta apmomap, apkeláneykegkaxa axta chá'a cuatro apchaqneykekxa apkelxegexma'a apagko' ma'a sẽlpextétamo, cuatro sẽlpextétamo axta chá'a xama appasmeykekxa. Xeyenmeyk axta apwáxok etekkesek nápaqta'awók énxet'ák natámen kélessawássessamo ekhem melwagqayam axta chá'a judíos kéltéma nak Pascua. 5 Kayhek axta kélláneykha Pedro aphamakxa kañe' sẽlpextétamakxa, keñe axta m'a énxet'ák apkeleñama nak kélaqneykekxexa apkelenxáneykmoho apkelmaxnéssesso Dios ma'a Pedro meyke apkelwátesseyam.
Dios aptekkesso Pedro sẽlpextétamakxa
6 Apteyenmeyk axta nahan axta'a Pedro nepyeseksa apqánet sẽlpextétamo, yetlo kélpextete ánet cadenas, cham'a axta'a peya axta kalse' yaqwánxa etekkesek Herodes nápaqta'awók ma'a énxet'ák keñe axta nápakha sẽlpextétamo apchaqneyncha'a m'a átog nak. 7 Yetlómók axta nahan apwayam xama Dios apchásenneykha m'a, sawheykekxók axta élseyéxma m'a kañe' negmomaxchexa. Appaknegkesseykmók axta Dios apchásenneykha nápakha apxátekhassama m'a Pedro. Axta aptemék apkenagkama s'e: “¡Epekhésa exnekxak néten!” Yetlómók axta nahan élhaxyawásamáxche cadenas kélnaqtetchesso apmék ma'a Pedro. 8 Axta aptemék Dios apchásenneykha apkenagkama Pedro s'e: “Etaxnekxa aptaxno, elatchásekxa nahan apkeltéto apmagkok.” Aptemék axta nahan Pedro xa ektáha nak, tén axta Dios apchásenneykha aptéma makham apkenagkama s'e: “Yaqlakpekxa apchaqlamap, hétlógma'.”
9 Apxegamchek axta Pedro neptámen ma'a Dios apchásenneykha, meyke apya'áseyak, naqso' kexaha m'a apteméssessamakxa Dios apchásenneykha, essenhan háwe naqso'. Aqsok kékxekmóssamo axta apkenagkók. 10 Apyeykhayak axta Pedro yetlo apxegexma Dios apchásenneykha m'a apmonye' apchaqneykha axta sẽlpextétamo, keñe axta apyeykhaya makham ma'a mók apchaqneykegkaxa axta sẽlpextétamo. Xama axta apkelweykekxo m'a átog élánamáxche axta sawo, ekyephagweykekxa axta m'a ámay, mayheykekxeyk axta aqsa axakkók ma'a átog. Apkelánteyepmeyk axta, keñe axta apkelweykmo apkelxega m'a néxa ámay, apyenseykmek axta aqsa apxakkók Pedro m'a Dios apchásenneykha.
11 Keñe axta apya'ásegweykmo m'a Pedro, axta aptemék appaqmeyesma s'e: “Ekya'ásegwokmek kaxwók eyámnaqsoho apcháphasa Wesse' egegkok ma'a apchásenneykha yaqwayam hégketchásekxak ma'a Herodes tén han ma'a ekyókxoho yaqweykenxa nak eykhe hetnéssesek ma'a judíos.”
12 Xama axta apya'ásegweykmo Pedro xa, apmeyeykekxeyk axta María axagkok, Juan axta egken, apkeltamhomakpo axta nahan Marcos, cham'a apchaqneykekxexa axta nahan apxámokma énxet aptamheykegko nempeywa nélmaxnagko. 13 Aptekpogweykmek axta nahan átog appaqmésweykmo Pedro m'a nekha ámay, teyepmeyk axta nahan xama kelán'a étkok ekwesey axta Rode éltémo kótak yaqsa kexaha. 14 Xama axta ekyekpelchémo appeywa Pedro, taqhémok axta aqsa kañe' yetlo ekyawe ekpayheykekxa awáxok éltennagweykekxo apkenegwaya Pedro m'a teyp átog. Axta kameykessók sekxo'. 15 Axta entemék amya'a eyánémaxko s'e:
—¡Yéhayaxma'!
—Xeyenmeyk axta eyke ektáha naqsók ma'a kelán'a étkok nak.
Axta aptemék apkenagkama m'a énxet'ák nak:
—Háwe Pedro; apwanmagko ekyaqteyapwayam.
16 Apkelenxáneykmók axta eyke aptekpageykha Pedro m'a átog. Xama axta apmeykessama, apweteyak axta apkenmeykencha'a Pedro nekha átog, kelxegamók axta nahan apnénya'ák. 17 Apmek axta eyke nahan aptemék apkeltémo elwanmak xa énxet'ák nak, apkeltennáseykha axta ektémakxa aptekkessama Wesse' egegkok ma'a sẽlpextétamakxa. Axta aptemék nahan apkelanagkama s'e:
—¡Kóltennasha sa' nahan Santiago xa, tén han ma'a apkelyáxeg'a!
Tén axta apteyapma, apmeyeykekxo mók nekha.
18 Xama axta élsáya, yennamomchek axta exma nepyeseksa m'a sẽlpextétamo, hakte axta elya'áseykegkok ektémakxa m'a Pedro. 19 Apkeltémok axta ektamakpok ma'a Herodes, axta eyke kólweteykekxa', keñe élpeheweykekxo apkelsexnánémap ma'a sẽlpextétamo ektáha axta aptaqmelchesso, apkeltémók axta etekyewekxa'. Keñe axta natámen apteyapma Herodes ma'a Judea, apheykmek axta m'a Cesarea.
Herodes apketsapma
20 Apkeltaqnagkamchek axta Herodes ma'a énxet'ák apheykha nak Tiro tén han ma'a Sidón, axta keñamak aphéssamo mók apkelpaqmeyesma yaqwayam elmeyekxak ma'a aphakxa nak Herodes. Apkelweteyak axta nahan yaqwayam kataqmalmakha apwáxok elanok ma'a Blasto, apteme axta apkemha apmonye' apagkok ekyawe kéláyo m'a wesse' apwányam Herodes. Axta kélásenneykekxak kéltémo elmaxnak Herodes elwataksek apkeltaqnawéyak ma'a, hakte axta keñamak chá'a aptegyéyak aptéyak ma'a aphakxa nak wesse' apwányam. 21 Appekkenchessegkek axta nahan ekhem Herodes yaqwánxa elpaqhetchesek, aptaxneykekxeyk axta aptaxno aptaqmalma, apheykekxeyk axta néten aptaháno ektaqmalma, keñe axta apkelpaqhetchessama énxet'ák. 22 Yetlómók axta nahan apteme apkelyennaqtéssamo apkelpeywa énxet'ák se'e: “¡Háwe énxet xa appaqmeta nak, dios xa!” 23 Yetlómók axta nahan apmésso apháxamap Dios apchásenneykha m'a Herodes, eñama metne apcháyo m'a Dios. Askok axta nahan tók apketsapma.
24 Yágweykmók axta aqsa nahan ekpayheykekxa Dios appeywa, kéllegassegkek axta nahan ekyókxoho yókxexma.
25 Xama axta appencháseykegko apkeltamheykha Bernabé tén han Saulo m'a Jerusalén, apkeltaqhémok axta makham, apyentameykekxók axta nahan Juan, cham'a apkeltamhomakpo axta anhan Marcos.
Jacobo, muerto; Pedro, encarcelado
1 En aquel mismo tiempo el rey Herodes echó mano a algunos de la iglesia para maltratarles. 2 Y mató a espada a Jacobo, hermano de Juan. 3 Y viendo que esto había agradado a los judíos, procedió a prender también a Pedro. Eran entonces los días de los panes sin levadura. 4 Y habiéndole tomado preso, le puso en la cárcel, entregándole a cuatro grupos de cuatro soldados cada uno, para que le custodiasen; y se proponía sacarle al pueblo después de la pascua. 5 Así que Pedro estaba custodiado en la cárcel; pero la iglesia hacía sin cesar oración a Dios por él.
Pedro es librado de la cárcel
6 Y cuando Herodes le iba a sacar, aquella misma noche estaba Pedro durmiendo entre dos soldados, sujeto con dos cadenas, y los guardas delante de la puerta custodiaban la cárcel. 7 Y he aquí que se presentó un ángel del Señor, y una luz resplandeció en la cárcel; y tocando a Pedro en el costado, le despertó, diciendo: Levántate pronto. Y las cadenas se le cayeron de las manos. 8 Le dijo el ángel: Cíñete, y átate las sandalias. Y lo hizo así. Y le dijo: Envuélvete en tu manto, y sígueme. 9 Y saliendo, le seguía; pero no sabía que era verdad lo que hacía el ángel, sino que pensaba que veía una visión. 10 Habiendo pasado la primera y la segunda guardia, llegaron a la puerta de hierro que daba a la ciudad, la cual se les abrió por sí misma; y salidos, pasaron una calle, y luego el ángel se apartó de él. 11 Entonces Pedro, volviendo en sí, dijo: Ahora entiendo verdaderamente que el Señor ha enviado su ángel, y me ha librado de la mano de Herodes, y de todo lo que el pueblo de los judíos esperaba.
12 Y habiendo considerado esto, llegó a casa de María la madre de Juan, el que tenía por sobrenombre Marcos, donde muchos estaban reunidos orando. 13 Cuando llamó Pedro a la puerta del patio, salió a escuchar una muchacha llamada Rode, 14 la cual, cuando reconoció la voz de Pedro, de gozo no abrió la puerta, sino que corriendo adentro, dio la nueva de que Pedro estaba a la puerta. 15 Y ellos le dijeron: Estás loca. Pero ella aseguraba que así era. Entonces ellos decían: ¡Es su ángel! 16 Mas Pedro persistía en llamar; y cuando abrieron y le vieron, se quedaron atónitos. 17 Pero él, haciéndoles con la mano señal de que callasen, les contó cómo el Señor le había sacado de la cárcel. Y dijo: Haced saber esto a Jacobo y a los hermanos. Y salió, y se fue a otro lugar.
18 Luego que fue de día, hubo no poco alboroto entre los soldados sobre qué había sido de Pedro. 19 Mas Herodes, habiéndole buscado sin hallarle, después de interrogar a los guardas, ordenó llevarlos a la muerte. Después descendió de Judea a Cesarea y se quedó allí.
Muerte de Herodes
20 Y Herodes estaba enojado contra los de Tiro y de Sidón; pero ellos vinieron de acuerdo ante él, y sobornado Blasto, que era camarero mayor del rey, pedían paz, porque su territorio era abastecido por el del rey. 21 Y un día señalado, Herodes, vestido de ropas reales, se sentó en el tribunal y les arengó. 22 Y el pueblo aclamaba gritando: ¡Voz de Dios, y no de hombre! 23 Al momento un ángel del Señor le hirió, por cuanto no dio la gloria a Dios; y expiró comido de gusanos.
24 Pero la palabra del Señor crecía y se multiplicaba.
25 Y Bernabé y Saulo, cumplido su servicio, volvieron de Jerusalén, llevando también consigo a Juan, el que tenía por sobrenombre Marcos.
