1 Eyenyow neygmen apto;
keñe sa' natámen
étekxak makham.
2 Emlásek apnámakkok aqsok
ekyetnakxa nak xép,
cham'a apkepwagkexa enxoho,
hakte káhapwak katnehek
aqsok ekmaso s'e apchókxa nak.
3 Kelyaweykxeyk agkok yaphope,
keytlawhok nahan ekmámeye
keso náxop.
Kelyaqnenágkek agkok yenta'a
ekpayho nak nexcheyha,
essenhan ekpayho nak nepyeyam,
kaxnagkokxa aqsa chá'a m'a
élyaqnenakxa enxoho.
4 Énxet apkeláneykha nak éxchahayam,
meknekxeyk aqsok aktek,
énxet apkeláneykha nak yaphope
menakxehek ekyexna
aqsok apkeneykekxa.
5 Ekhawo ektémakxa nak mey'áseyak ekmahágkaxa éxchahayam, mey'ásegkok nahan ektémakxa élánamáxche sakcha'a m'a kañe' nak egken awáxok, mey'ásegkok nahan ma'a aqsok apkelane nak Dios, cham'a apkelane nak ekyókxoho aqsok.
6 Eknekxa chá'a aqsok aktek axto'o, tén han taxnám, hakte mey'asagkehek yaqsa kexaha kataqmelek élánteyapma, amonye' apkeneykekxa essenhan ma'a axayo nak apkeneykekxa, essenhan tásek katnehek élánteyapma xa ánet nak.
7 Tásók agko' élseyéxma, ektaqmelakxoho agko' chá'a agwetak ma'a élsassóxma nak ekhem, 8 apheyk agkok ekwenaqte énxet keso náxop, peykessáseykxeyk agkok han chá'a apwáxok ma'a apha nak ekwenaqte, kéméxcheyk han kaxének apwáxok peya han kawegqohok ma'a ekyaqtessóxma nak, keñe han ma'a ekyókxoho aqsok ekmako nak kalwa', peya han katnehek eyaqhémo agweta'.
Kéltémókxa antéhek nenteme nak egketkók
9 Xép apteme nak apketkok, kapayhekxa apwáxok, ekyennákxa nak makham apyempehek, kapeykessásekxa apwáxok ma'a aqsok éltaqmela nak, keso apkepwagkexa nak makham. Elána' m'a ekxénakxa enxoho apwáxok elána', eñama m'a ekyókxoho aqsok apwete nak, kaxén eyke apwáxok Dios sa' ékpelkohok ma'a ekyókxoho aqsok apkelane nak xép. 10 Étnakhés ma'a élapwagkassama nak apwáxok, nágyoho han kañássesagkohok ma'a nenlegeykegkoho nak, hakte weykmók han ekteme eyaqhémo agwetak ma'a ektaqmalma nak apweynchámeykha apteme nak apketkok.
1 Echa tu pan sobre las aguas; porque después de muchos días lo hallarás. 2 Reparte a siete, y aun a ocho; porque no sabes el mal que vendrá sobre la tierra. 3 Si las nubes fueren llenas de agua, sobre la tierra la derramarán; y si el árbol cayere al sur, o al norte, en el lugar que el árbol cayere, allí quedará. 4 El que al viento observa, no sembrará; y el que mira a las nubes, no segará.
5 Como tú no sabes cuál es el camino del viento, o cómo crecen los huesos en el vientre de la mujer encinta, así ignoras la obra de Dios, el cual hace todas las cosas.
6 Por la mañana siembra tu semilla, y a la tarde no dejes reposar tu mano; porque no sabes cuál es lo mejor, si esto o aquello, o si lo uno y lo otro es igualmente bueno.
7 Suave ciertamente es la luz, y agradable a los ojos ver el sol; 8 pero aunque un hombre viva muchos años, y en todos ellos tenga gozo, acuérdese sin embargo que los días de las tinieblas serán muchos. Todo cuanto viene es vanidad.
Consejos para la juventud
9 Alégrate, joven, en tu juventud, y tome placer tu corazón en los días de tu adolescencia; y anda en los caminos de tu corazón y en la vista de tus ojos; pero sabe, que sobre todas estas cosas te juzgará Dios.
10 Quita, pues, de tu corazón el enojo, y aparta de tu carne el mal; porque la adolescencia y la juventud son vanidad.
