Ekxénweykekxoho kélwáxok élántépomáxko axta Egipto
1 Xama axta
apkelánteyapma
énxet'ák Israel Egipto,
apkelánteyapma axta
Jacob aptawán'ák
neptámen ma'a
megkatnahakxa
nak apkelókxa,
2 aptemegkek axta
Wesse' egegkok
apkelyéseykha m'a
énxet'ák Judá;
keñe axta aptéma
apagkok ma'a Israel.
3 Xama axta
ekweteya m'a
wátsam ekwányam,
yetlómok axta
eyaqxegeykegkokxa',
tén axta wátsam Jordán
ekmassama ényé.
4 ¡Kelnextegeykha
axta néten ma'a
egkexe ektémól'a
nepkések apkelennay'awo,
kelnextegeykha axta néten
ma'a meteymog élwenaqte
aptémól'a nepkések apketkók!
5 Wátsam ekwányam,
¿yaqsa axta ektéma
eyaqxegeykegkokxo?
Yegmen Jordán,
¿yaqsa axta ektéma
ekmassama ényé?
6 ¿Yaqsa axta ektéma
kéxegke egkexe
kélnextegeykencha'a néten
aptémól'a nepkések
apkelennay'awo?
¿Yaqsa axta ektéma
kéxegke meteymog élwenaqte
kélnextegeykencha'a néten
aptémól'a nepkések apketkók?
7 ¡Xapop kalpexyennem
nápaqtók Wesse' egegkok,
Dios apagkok nak Jacob!
8 ¡Aptemessáseykekxeyk
axta ságe m'a meteymog
élyawe élámha!
¡Aptemessáseykekxeyk
axta ekteyapmakxa yegmen
ma'a meteymog nak!
Las maravillas del éxodo
1 Cuando salió Israel de Egipto,
La casa de Jacob del pueblo extranjero,
2 Judá vino a ser su santuario,
E Israel su señorío.
3 El mar lo vio, y huyó;
El Jordán se volvió atrás.
4 Los montes saltaron como carneros,
Los collados como corderitos.
5 ¿Qué tuviste, oh mar, que huiste?
¿Y tú, oh Jordán, que te volviste atrás?
6 Oh montes, ¿por qué saltasteis como carneros,
Y vosotros, collados, como corderitos?
7 A la presencia de Jehová tiembla la tierra,
A la presencia del Dios de Jacob,
8 El cual cambió la peña en estanque de aguas,
Y en fuente de aguas la roca.
