Aqsok aktek ekyexna kélmésso naqsa
1 “Kélsántegkessek sa' agkok kélxama Wesse' egegkok kélmésso naqsa nak aqsok aktek ekyexna, kéméxcheyk kólsógmak ma'a hótáhap aptaqmalma apagko' nak, kólyegkenek sa' nahan néten pexmok égmenek, tén han ma'a aqsok ánek ekmátsa nak ekpaqneyam éten agkok; 2 keñe sa' kólsakxések ma'a Aarón apketchek, apteme nak apkelmaxnéssesso Dios énxet'ák apagkok, tén sa' xama nak ma'a, emok xama apmek hótáhap yetlo pexmok égmenek, yetlo nahan ma'a ekyókxoho aqsok ánek ekmátsa nak ekpaqneyam éten agkok, keñe sa' elwatnek ma'a néten ekwatnamáxchexa nak aqsok, yaqwayam katnehek kélmésso naqsa kélwatno ekxénweykekxoho kélwáxok, ekmátsa nak ekpaqneyam etekhánek Wesse' egegkok. 3 Keñe sa' éleymomáxche kélmésso naqsa nak Wesse' egegkok, ektáha nak élpagkanamaxche agko' ma'a neyseksa nak kélmésso naqsa kélwatno, Aarón sa' chá'a elmekxa', tén han ma'a aptawán'ák neptámen nak.
4 “Apsánteyk sa' agkok xép apmésso naqsa aqsok aktek ekyexna apmakhetchesso, esógma sa' ma'a kélyaqyesso hótáhap aptaqmalma apagko' nak, kélyelaqtésso nak pexmok égmenek, meyke kempáseyak sa' eyke, essenhan ma'a kélpeykesso apkelexyawe meyke nak kempáseyak, kélexpaqheykha nak pexmok égmenek.
5 “Aqsok aktek ekyexna sa' agkok apmésso naqsa, cham'a apmakhetchesso nak yánsógweygke appayhe, tásek elának ma'a hótáhap aptaqmalma apagko' nak, kélyelaqtésso nak pexmok égmenek, tén han meyke nak kempáseyak; 6 elyeptek sa' etnéssesek nápakha apketkók, tén sa' nahan elexpaqheykha pexmok égmenek, hakte cháxa ektáha apmésso naqsa aqsok aktek ekyexna xa.
7 “Aqsok aktek ekyexna sa' agkok apmésso naqsa, apmakhetchesso nak yánsógweygke apwáxok, kéméxcheyk elának ma'a hótáhap aptaqmalma apagko' nak, kélenchehe nak pexmok égmenek. 8 Appenchessek sa' agkok xép apkelane xa aqsok apmésso naqsa nak, kéméxcheyk elsakxak ma'a nápaqto' nak Wesse' egegkok, elmés sa' ma'a apkelmaxnéssesso Dios énxet'ák apagkok, keñe sa' apkelmaxnéssesso Dios énxet'ák apagkok elsakxak ma'a ekwatnamáxchexa nak aqsok. 9 Keñe sa' apkelmaxnéssesso Dios énxet'ák apagkok elmok ketsék ma'a kélmésso naqsa nak aqsok, yaqwayam elwatnek ma'a néten ekwatnamáxchexa nak aqsok, yaqwayam katnehek kélmésso naqsa kélwatno ekxénweykekxoho kélwáxok, cham'a ekmátsa nak ekpaqneyam etekhánek Wesse' egegkok. 10 Keñe sa' éleymomáxche kélmésso naqsa nak Wesse' egegkok, ektáha nak élpagkanamaxche agko' ma'a neyseksa nak kélmésso naqsa kélwatno, Aarón sa' chá'a elmekxa', tén han ma'a aptawán'ák neptámen nak.
11 “Nágkólenchaha aqsa kéxegke kempáseyak xama enxoho m'a aqsok aktek ekyexna kélmésso naqsa kélseykekxésso nak Wesse' egegkok. Nágkólwatne aqsa xama enxoho kempáseyak, tén han yányawhéna' apyegmenek, cham'a kélmésso naqsa nak Wesse' egegkok. 12 Kélwanchek eykhe kólmések kempáseyak tén han yányawhéna' apyegmenek Wesse' egegkok, kélteméssessamól'a m'a kélmésso naqsa nak émha amonye' ekyexna aqsok kélcheneykekxa, eyke nágkólmes ma'a élwatnamáxchexa nak aqsok, yaqwayam enxoho katnehek ekmátsa nak ekpaqneyam etekhánek Wesse' egegkok.
13 “Kéméxcheyk xép yenchahak chá'a yásek ma'a ekyókxoho aqsok aktek ekyexna apmésso naqsa nak. Ná egkés aqsa aqsok aktek ekyexna apmésso naqsa nak xép meyke nak yásek, hakte yásek ekteme ekyetchesamaxkoho m'a ekhémo mók nélpaqhetchásamáxkoho Dios apagkok. Yenchaha sa' chá'a yásek ma'a ekyókxoho aqsok apmésso naqsa nak.
14 “Apkelsántegkessek sa' agkok xép Wesse' egegkok apmésso naqsa aqsok émha amonye' ekyexna nak aqsok aktek ekyexna, kéméxcheyk esógmak ma'a ekyexna élmakhetma nak, kélmakhetchesso nak kélyexnáyam, tén han ma'a kaxwe kélnakxo ekyexna kéltekxekxo émha amonye' apnakxo nak xép. 15 Kéméxcheyk eyegkenek pexmok égmenek ma'a néten apmésso naqsa nak aqsok, tén han ma'a aqsok ánek ekmátsa nak ekpaqneyam éten agkok, hakte cháxa ekteme apmésso naqsa aqsok aktek ekyexna xa. 16 Keñe sa' apkelmaxnéssesso Dios énxet'ák apagkok, elwatnek nekha m'a aqsok aktek ekyexna kéltekxekxo nak, tén han ma'a pexmok égmenek nak, yetlo m'a ekyókxoho aqsok ánek ekmátsa nak ekpaqneyam éten agkok, katnehek sa' xama kélmésso naqsa aqsok ekxénweykekxoho kélwáxok kélwatno kélmésso naqsa Wesse' egegkok.
Las ofrendas
1 Cuando alguna persona ofreciere oblación a Jehová, su ofrenda será flor de harina, sobre la cual echará aceite, y pondrá sobre ella incienso, 2 y la traerá a los sacerdotes, hijos de Aarón; y de ello tomará el sacerdote su puño lleno de la flor de harina y del aceite, con todo el incienso, y lo hará arder sobre el altar para memorial; ofrenda encendida es, de olor grato a Jehová. 3 Y lo que resta de la ofrenda será de Aarón y de sus hijos; es cosa santísima de las ofrendas que se queman para Jehová.
4 Cuando ofrecieres ofrenda cocida en horno, será de tortas de flor de harina sin levadura amasadas con aceite, y hojaldres sin levadura untadas con aceite. 5 Mas si ofrecieres ofrenda de sartén, será de flor de harina sin levadura, amasada con aceite, 6 la cual partirás en piezas, y echarás sobre ella aceite; es ofrenda. 7 Si ofrecieres ofrenda cocida en cazuela, se hará de flor de harina con aceite. 8 Y traerás a Jehová la ofrenda que se hará de estas cosas, y la presentarás al sacerdote, el cual la llevará al altar. 9 Y tomará el sacerdote de aquella ofrenda lo que sea para su memorial, y lo hará arder sobre el altar; ofrenda encendida de olor grato a Jehová. 10 Y lo que resta de la ofrenda será de Aarón y de sus hijos; es cosa santísima de las ofrendas que se queman para Jehová.
11 Ninguna ofrenda que ofreciereis a Jehová será con levadura; porque de ninguna cosa leuda, ni de ninguna miel, se ha de quemar ofrenda para Jehová. 12 Como ofrenda de primicias las ofreceréis a Jehová; mas no subirán sobre el altar en olor grato. 13 Y sazonarás con sal toda ofrenda que presentes, y no harás que falte jamás de tu ofrenda la sal del pacto de tu Dios; en toda ofrenda tuya ofrecerás sal.
14 Si ofrecieres a Jehová ofrenda de primicias, tostarás al fuego las espigas verdes, y el grano desmenuzado ofrecerás como ofrenda de tus primicias. 15 Y pondrás sobre ella aceite, y pondrás sobre ella incienso; es ofrenda. 16 Y el sacerdote hará arder el memorial de él, parte del grano desmenuzado y del aceite, con todo el incienso; es ofrenda encendida para Jehová.
