1 Xama axta apwákxo Roboam ma'a Jerusalén, apchánchesákxeyk axta ciento ochenta mil sẽlpextétamo, ektáha axta kélyéseykha nepyeseksa m'a apyókxoho Judá apnámakkok, tén han ma'a Benjamín apnámakkok, yaqwayam elnapakpok ma'a énxet'ák Israel, tén emekxak ma'a apchókxa'. 2 Appaqhetchessek axta eyke Wesse' egegkok ma'a Semaías, apteme axta Dios énxet apagkok. Aptáhak axta apcháneya s'e: 3 “Eltennés sa' Roboam, apketche nak Salomón, wesse' apwányam nak yókxexma Judá, tén han ma'a apyókxoho israelitas apheykha nak Judá tén han ma'a Benjamín apchókxa, 4 séltamho ko'o melnapakpehek ma'a apkelpeywomo xamo' nak. Tásek eltaqhekxak aqsa apxanák ma'a apyókxoho nak, hakte cháxa séltamhókxa nak ko'o etnahágkok xa.”
Xama axta apkelleg'a aptáhakxa apkeláneya m'a Wesse' egegkok, apkeltaqhákxeyk axta apxanák, massék axta apmáheyo elnapakpok ma'a Jeroboam aphawóxama.
Roboam ekxámokma aqsok apagkok
5 Apheykmek axta Roboam ma'a Jerusalén, keñe apkeláneykekxo tegma apkelyawe élyennaqte kélhaxtegkesso nepyáwa m'a Judá. 6 Apkelánekxeyk axta Belén, Etam, Tecoa, 7 Bet-sur, Socó, Adulam, 8 Gat, Maresá, Zif, 9 Adoraim, Laquis, Azecá, 10 Sorá, Aialón tén han ma'a Hebrón, cháxa tegma apkelyawe élyennaqte axta kélhaxtegkesso m'a Judá tén han Benjamín apchókxa. 11 Apkelánekxeyk axta kélhaxtegkesso élyennaqte, apkelyésáha axta han chá'a apkelámha apmonye'e yaqwayam elanha m'a, apxatmeyk axta han ma'a nento, pexmok égmenek tén han anmen yámet égmenek. 12 Apkelmeyásegkek axta han kéláhakkásamáxche' yetlo sawhéwa m'a apyókxoho tegma apkelyawe, ekyennaqte agko' kélláneykha axta aptemessásak. Apagkok axta aptamhákxak Roboam ma'a Judá tén han Benjamín.
13 Apyókxoho axta apkelwa'ak apkelmaxnéssesso Dios énxet'ák apagkok tén han levitas, apkeleñama mók nekha, apheykha nak ma'a Israel, yaqwayam epasmekxak ma'a, 14 hakte apyamasmeyk axta xapop apagkok ma'a levitas ektaqmelakxa axta pa'at, tén han ma'a mók xapop apagkok, apmáheyo elmahagkok ma'a Jerusalén tén han ma'a mók yókxexma nak Judá, hakte apkelwátessáseykegkek axta Jeroboam, tén han ma'a yaqwayam nak eyaqmagkasek apteme wesse' apkelwányam, apkeltamheykha aptamhéyak apkelmaxnéssesso Wesse' egegkok énxet'ák apagkok. 15 Apkelyéseykha axta han Jeroboam yaqwayam etnahagkok apkelmaxnéssesso aqsok kéláyókxa m'a kélpeykessamókxa nak, tén han kélpeykessamókxa m'a kelyekhama', keñe han ma'a weyke étkók kéleykmássesso apkeltémo axta kóllanaksek. 16 Keñe m'a apteméssesso axta naqsók apmáheyo ektamok ma'a Wesse' egegkok, Dios apagkok nak Israel, aptamheykegko m'a aptamheykegkaxa axta apkelmaxnéssesso Dios énxet'ák apagkok, tén han levitas, apkelmeyákxeyk axta m'a Jerusalén, yaqwayam elmések aqsok apkelnapma m'a Wesse' egegkok, Dios apagkok axta m'a apyapmeyk nano'. 17 Cháxa apyennaqteyáseykekxo axta apchókxa Judá, appasmeykekxo m'a Roboam, Salomón axta apketche, ekweykmoho apqántánxo apyeyam, hakte apqántánxo apyeyam axta apkelyetleykekxak ma'a aptémakxa axta David tén han Salomón.
18 Apmomchek axta Roboam aptéma aptáwa' m'a Mahalat, Jerimot axta apketche kelwána, cham'a Jerimot David axta apketche tén han Abihail, apketche kelwána axta m'a Eliab, Jesé axta aptáwen kelwána. 19 Keso apketchek axta Roboam tén han Mahalat se'e: Jehús, Semarías tén han Záham. 20 Keñe axta apmoma han ma'a Maacá, Absalón axta apketche kelwána, keso apketchek axta s'e: Abiam, Atai, Zizá tén han Selomit. 21 Dieciocho axta ekyókxoho apnaqteyegka'a m'a Roboam, keñe sesenta m'a apkelmeykha naqsa, Maacá axta eyke aqsa chá'a apchásekhayók apagko', neyseksa m'a ekyókxoho nak. Veintiocho axta apyókxoho apketchek apkelennay'a, keñe sesenta m'a apketchek kelwán'ák.
22 Abiam axta apteméssessók apkemha apmonye' Roboam nepyeseksa m'a apketchek, étche apkenna nak Maacá, hakte apmenyeyk axta etnéssesek wesse' apwányam. 23 Apya'áseykegkók axta han apmáheyókxa etnéssesek yexpánchesek apketchek ma'a ekyókxoho kañe' xapop nak Judá, tén han Benjamín, keñe han ma'a nepyeseksa nak apyókxoho tegma apkelyawe élyennaqte nak kélhaxtegkáseyak nepyáwa', apkelmeyáseykegkek axta ekxámokma aptéyak, apkelwetassegkek axta han ekxámokma m'a apnaqteyegka'a.
1 Cuando vino Roboam a Jerusalén, reunió de la casa de Judá y de Benjamín a ciento ochenta mil hombres escogidos de guerra, para pelear contra Israel y hacer volver el reino a Roboam. 2 Mas vino palabra de Jehová a Semaías varón de Dios, diciendo: 3 Habla a Roboam hijo de Salomón, rey de Judá, y a todos los israelitas en Judá y Benjamín, diciéndoles: 4 Así ha dicho Jehová: No subáis, ni peleéis contra vuestros hermanos; vuélvase cada uno a su casa, porque yo he hecho esto. Y ellos oyeron la palabra de Jehová y se volvieron, y no fueron contra Jeroboam.
Prosperidad de Roboam
5 Y habitó Roboam en Jerusalén, y edificó ciudades para fortificar a Judá. 6 Edificó Belén, Etam, Tecoa, 7 Bet-sur, Soco, Adulam, 8 Gat, Maresa, Zif, 9 Adoraim, Laquis, Azeca, 10 Zora, Ajalón y Hebrón, que eran ciudades fortificadas de Judá y Benjamín. 11 Reforzó también las fortalezas, y puso en ellas capitanes, y provisiones, vino y aceite; 12 y en todas las ciudades puso escudos y lanzas. Las fortificó, pues, en gran manera; y Judá y Benjamín le estaban sujetos.
13 Y los sacerdotes y levitas que estaban en todo Israel, se juntaron a él desde todos los lugares donde vivían. 14 Porque los levitas dejaban sus ejidos y sus posesiones, y venían a Judá y a Jerusalén; pues Jeroboam y sus hijos los excluyeron del ministerio de Jehová. 15 Y él designó sus propios sacerdotes para los lugares altos, y para los demonios, y para los becerros que él había hecho. 16 Tras aquellos acudieron también de todas las tribus de Israel los que habían puesto su corazón en buscar a Jehová Dios de Israel; y vinieron a Jerusalén para ofrecer sacrificios a Jehová, el Dios de sus padres. 17 Así fortalecieron el reino de Judá, y confirmaron a Roboam hijo de Salomón, por tres años; porque tres años anduvieron en el camino de David y de Salomón.
18 Y tomó Roboam por mujer a Mahalat hija de Jerimot, hijo de David y de Abihail hija de Eliab, hijo de Isaí, 19 la cual le dio a luz estos hijos: Jeús, Semarías y Zaham. 20 Después de ella tomó a Maaca hija de Absalón, la cual le dio a luz Abías, Atai, Ziza y Selomit. 21 Pero Roboam amó a Maaca hija de Absalón sobre todas sus mujeres y concubinas; porque tomó dieciocho mujeres y sesenta concubinas, y engendró veintiocho hijos y sesenta hijas. 22 Y puso Roboam a Abías hijo de Maaca por jefe y príncipe de sus hermanos, porque quería hacerle rey. 23 Obró sagazmente, y esparció a todos sus hijos por todas las tierras de Judá y de Benjamín, y por todas las ciudades fortificadas, y les dio provisiones en abundancia, y muchas mujeres.
