1 Ekpaqmetchek agkok ko'o m'a ektémakxa nak chá'a apkelpaqmeyesma énxet tén han ma'a ektémakxa nak apkelpaqmeyesma Dios apkelásenneykha, méko eyke katnehek sélásekhamaxkoho, axhok ma'a sawo ekyentaxno élyetnaheykha, essenhan ma'a sawo élpayhe élaqtáweykha ekyennaqtél'a. 2 Yetneyk agkok han ko'o sekmowána seklegasso amya'a eñama nak Dios, ekya'ásegkók agkok nahan ekyókxoho m'a aqsok ekpowásamáxkoho apmopmenyého nak elának ma'a Dios, ekya'ásegkók agkok nahan ma'a ekyókxoho aqsok nak, yetneyk agkok nahan may'ásseyam ekmowána kaltaqhésha m'a xapop élekhahéyak élyawe nak, méko eyke katnehek sélásekhamaxkoho, mékoho atnehek ko'o. 3 Ekmelassek agkok ko'o ekyókxoho aqsok ahagkok nepyeseksa m'a énxet'ák meyke nak aqsok apagkok, ekwokmók agkok nahan sekyókxa sekyamasma yaqwayam kawatnaxche', méko agkok ko'o sélásekhamaxkoho, yawanchek hepasmok.
4 Ekha nélásekhamaxkoho m'a nélenmáxamáxkoho nak, tén han ektaqmeleykha nak egwáxok anlanok egmók, tén han magnathahássesso nak aqsok egmók, tén han megkeymáxkoho nak nempeywa nenxéneykha nentémakxa, tén han ma'a megkeymáxkoho nak egwáxok, 5 tén han megkamasagkeykha nak nempeywa, tén han ma'a mólmeyókasamáxkoho egagko' nak nentémakxa; tén han ma'a manlo nak, tén han ma'a megkaxéneykha nak egwáxok sẽlteméssesakxa ekmaso; 6 tén han ma'a megkapeykáseykekxa nak egwáxok megkapéwomo apkeltémakxa m'a énxet'ák, wánxa aqsa kapeykásekxak egwáxok ma'a ekmámnaqsoho nak. 7 Nélásekhamaxkoho m'a nenlegeykegkoho nak ekyókxoho aqsok, tén han magya'ásseyam nak ekyókxoho aqsok, tén han ma'a nélhaxanma nak ekyókxoho aqsok, tén han ma'a nélenmáxamáxkoho nak ekyókxoho aqsok.
8 Megkamassegwomek xama enxoho m'a nélásekhamaxkoho nak. Xama ekhem sa' eyke kamassegwók ma'a kéllegasso nak amya'a eñama nak Dios, kamaskok sa' nahan élpaqmétamáxche m'a mók ektémakxa nak amya'a, kamaskok sa' nahan agámenyéhok ma'a negya'ásegwayam nak. 9 Hakte megkasawhomáxkohok ma'a negya'ásegwayam nak, megkasawhomáxkohok nahan ma'a nenlegasso nak amya'a eñama Dios, 10 kamassegwók sa' eyke ekwa'a sa' ma'a ekpéwomo agko' nak.
11 Axta ektemék chá'a ko'o sekpaqmeyesma sektémakxa axta sakcha'a ektémakxal'a kapaqmétek sakcha'a, tén han ektémakxal'a kalchetmok awáxok tén han ektémakxal'a kay'asagkoho'; keñe axta sektéma sekwányam ekyamasmeyk axta m'a ektémakxal'a chá'a sakcha'a. 12 Yáma negyekpelche eyke kaxwók entemék negko'o, ektémól'a nélányantáxama ekhánaqte, ekmasextohol'a negyekpelche; Xama ekhem sa' eyke agwethok egagko'. Makke kasawhomáxkohok ko'o sekya'ásegwayam se'e kaxwo' nak, xama ekhem sa' eyke ay'ásegwomhok ko'o m'a Dios, ekhawo ektémakxa nak sey'áseykegkoho ko'o m'a.
13 Ántánxo aqsok akke m'a megkamassegwayam nak: magya'ásseyam, nélhaxneykha, tén han nélásekhamaxkoho; nélásekhamaxkoho eyke ekyágwánxa agkok ekteme ektaqmalma neyseksa xa ántánxo nak.
La preeminencia del amor
1 Si yo hablase lenguas humanas y angélicas, y no tengo amor, vengo a ser como metal que resuena, o címbalo que retiñe. 2 Y si tuviese profecía, y entendiese todos los misterios y toda ciencia, y si tuviese toda la fe, de tal manera que trasladase los montes, y no tengo amor, nada soy. 3 Y si repartiese todos mis bienes para dar de comer a los pobres, y si entregase mi cuerpo para ser quemado, y no tengo amor, de nada me sirve.
4 El amor es sufrido, es benigno; el amor no tiene envidia, el amor no es jactancioso, no se envanece; 5 no hace nada indebido, no busca lo suyo, no se irrita, no guarda rencor; 6 no se goza de la injusticia, mas se goza de la verdad. 7 Todo lo sufre, todo lo cree, todo lo espera, todo lo soporta.
8 El amor nunca deja de ser; pero las profecías se acabarán, y cesarán las lenguas, y la ciencia acabará. 9 Porque en parte conocemos, y en parte profetizamos; 10 mas cuando venga lo perfecto, entonces lo que es en parte se acabará. 11 Cuando yo era niño, hablaba como niño, pensaba como niño, juzgaba como niño; mas cuando ya fui hombre, dejé lo que era de niño. 12 Ahora vemos por espejo, oscuramente; mas entonces veremos cara a cara. Ahora conozco en parte; pero entonces conoceré como fui conocido. 13 Y ahora permanecen la fe, la esperanza y el amor, estos tres; pero el mayor de ellos es el amor.
