Ñandejára omombarete hembiporavópe
1 Ñandejára he'i
che ruvicha guasúpe:
“Eguapy che akatúa gotyo,
tamoĩ ne pyenda ramo
umi nde rayhu'ỹva.”
2 Sión guive
Ñandejára ne mombarete.
“Opa nde rayhu'ỹva
toĩmba nde po guýpe.
3 Reikove ypy guive
nde mburuvicha hína,
ha marangatúgui rejajaipa.
Cheté voi
ysapýicha romoheñói vaekue
pe amo ko'ẽjúgui”.
4 Ñandejára ome'ẽ iñe'ẽ
héra rehe
ha nopyrũi chéne hese:
“Nde hína pa'i Melquisedec chagua
opa árape guarã.”
5 Ñandejára oĩ nde akatúa gotyo,
ipochyha árape
ohundíne mburuvicha guasu kuérape.
6 Tetã nguéra ombojovakéta,
ápe ha pépe ombyatýne te'õngue,
akã nguéra ombochipapéta
yvy tuichakue.
7 Tape yképe ysyrýgui hoy'úta
ha omopu'ã jeýta iñakã.
Jehová da dominio al rey
Salmo de David.
1 Jehová dijo a mi Señor:
Siéntate a mi diestra,
Hasta que ponga a tus enemigos por estrado de tus pies.
2 Jehová enviará desde Sion la vara de tu poder;
Domina en medio de tus enemigos.
3 Tu pueblo se te ofrecerá voluntariamente en el día de tu poder,
En la hermosura de la santidad.
Desde el seno de la aurora
Tienes tú el rocío de tu juventud.
4 Juró Jehová, y no se arrepentirá:
Tú eres sacerdote para siempre
Según el orden de Melquisedec.
5 El Señor está a tu diestra;
Quebrantará a los reyes en el día de su ira.
6 Juzgará entre las naciones,
Las llenará de cadáveres;
Quebrantará las cabezas en muchas tierras.
7 Del arroyo beberá en el camino,
Por lo cual levantará la cabeza.
