LIBRO 1
(Salmo 1—41)
Mokõi tape
1 Ovy'a umi
ojapo'ỹva iñañáva ñe'ẽ,
oiko'ỹva iñangaipáva ndive,
ojehe'a'ỹva umi Tupãre
oñembohorýva ndive.
2 Tupã rembiapoukapy
ipy'a ombohory,
ha hese ojepy'a mongeta
ára ha pyhare.
3 Ojogua ku yvyra mátape
oñeñotỹva y rembe'ýpe,
hi'áva hi'árape,
ha ndahoguekúiva.
Opa mba'e ojapóva
osẽ porã chupe.
4 Ndaupéichai umi hembiapo vaíva,
kapi'i piru kuéicha
umívape yvytu omboveve.
5 Hembiapo vaíva nosẽ porãi chéne
Tupã ombojovakévo chupe.
Iñangaipáva nahendái chéne
imarangatúva apytépe.
6 Tupã oñangareko
imarangatúva rapére.
Hembiapo vaíva rape katu
opa vai.
LIBRO I
El justo y los pecadores
1 Bienaventurado el varón que no anduvo en consejo de malos,
Ni estuvo en camino de pecadores,
Ni en silla de escarnecedores se ha sentado;
2 Sino que en la ley de Jehová está su delicia,
Y en su ley medita de día y de noche.
3 Será como árbol plantado junto a corrientes de aguas,
Que da su fruto en su tiempo,
Y su hoja no cae;
Y todo lo que hace, prosperará.
4 No así los malos,
Que son como el tamo que arrebata el viento.
5 Por tanto, no se levantarán los malos en el juicio,
Ni los pecadores en la congregación de los justos.
6 Porque Jehová conoce el camino de los justos;
Mas la senda de los malos perecerá.
