1 Esapukái, Job, ñahendu
avápa ne mbohovái.
Mavaite Tupã rembiguáipepa
rehenóita?
2 Py'aro niko ojuka ivýrovape,
ha py'arasy hovatavývape.
3 Ivýrovape ahecháva
oñepyrũ oñakã rapu'ã,
ha pya'eténte hóga
oñehundi jey.
4 Ta'ýra kuérape
ndaipóri oipytyvõva,
ha oñembojovakehápe
ndaipóri
hese kuéra oñe'ẽva.
5 Ivýrova remitỹ nguéra,
iñembyahýiva ho'upa,
ñuatĩ pa'ũgui jepe oipe'a,
ha umi imba'e potáva
hi'ãho oguerekóvare.
6 Mba'e vai nosẽi yvýgui,
jehasa asy ndayvy peguái,
7 yvypóra guinte voi
osẽ jehasa asy,
osẽháicha tatapỹigui
tata piriri oveve.
8 Che ne rendaguépe,
Tupã gotyo añembojeréne
ha añemoĩne ipópe,
9 hetaite mba'e rechapyrã
niko ha'e ojapo
ikatu'ỹva ojekuaa!
10 Ha'e ombou ama
ha omyakỹ ñu,
11 heko mirĩvape ohupi
ha umi oñembyasývape
ombojerovia,
12 ha'e omoñuhã
umi oporomoñuhãsévape,
ha nosẽi chupe kuéra mba'eve.
13 Ha'e omoñuhã
ikatupyrývape jepe
ha ombyai hembiapo kuéra,
14 araitépe ha'e kuéra
opovyvy,
ojejaho'i pytũme
pyharépe ramo guáicha!
15 Imboriahu ha ojejopývape
Tupã omo'ã iñañávagui,
16 ikangývape guarã,
ha'e jeroviaha,
heko añávape
ha'e ojuru mboty!
17 Ovy'aite vaerãpa
yvypóra Tupã oja'óva,
ani rembotovétei
nde ja'o ramo
upe ipu'akapáva.
18 Nde kutu ramo Tupã
ne mongueráne,
ne nupã ramo ipópe
ne mombytu'úne.
19 Jey-jey nde pe'áne
ivaihágui
ha ivaíva
ndohejái chéne nde aho'i.
20 Ñembyahýi ára jave
ndohejái chéne remano,
ha ñorãirõ guasuhápe
ne mo'ãne kyse pukúgui.
21 Ikũ rãimbévagui
nde pe'áne,
ha nderekyhyjéi chéne
oguahẽ vove ivaíva.
22 Repukáne ñembyahýire
ha opaichagua ivaívare,
ha nderekyhyjéi chéne
tymba ñarõgui.
23 Reñemitỹháme
na nde itatýi chéne
ha tymba ñarõ nde rayhúne.
24 Nde róga
henyhẽne mba'etágui
ha reipapávo ne rymba
rejuhupáne katuete.
25 Ne ñemoñare hetáne,
ñúme kapi'ipe oĩháicha.
26 Reguahẽne nde tyvýpe
ne mbarete reheve,
ku avati apesã ajúicha.
27 Opa mba'e ohasáva
ohechauka upeichaha;
ehendu kóva
ha ehecha kuaa ndete.
1 Ahora, pues, da voces; ¿habrá quien te responda?
¿Y a cuál de los santos te volverás?
2 Es cierto que al necio lo mata la ira,
Y al codicioso lo consume la envidia.
3 Yo he visto al necio que echaba raíces,
Y en la misma hora maldije su habitación.
4 Sus hijos estarán lejos de la seguridad;
En la puerta serán quebrantados,
Y no habrá quién los libre.
5 Su mies comerán los hambrientos,
Y la sacarán de entre los espinos,
Y los sedientos beberán su hacienda.
6 Porque la aflicción no sale del polvo,
Ni la molestia brota de la tierra.
7 Pero como las chispas se levantan para volar por el aire,
Así el hombre nace para la aflicción.
8 Ciertamente yo buscaría a Dios,
Y encomendaría a él mi causa;
9 El cual hace cosas grandes e inescrutables,
Y maravillas sin número;
10 Que da la lluvia sobre la faz de la tierra,
Y envía las aguas sobre los campos;
11 Que pone a los humildes en altura,
Y a los enlutados levanta a seguridad;
12 Que frustra los pensamientos de los astutos,
Para que sus manos no hagan nada;
13 Que prende a los sabios en la astucia de ellos,
Y frustra los designios de los perversos.
14 De día tropiezan con tinieblas,
Y a mediodía andan a tientas como de noche.
15 Así libra de la espada al pobre, de la boca de los impíos,
Y de la mano violenta;
16 Pues es esperanza al menesteroso,
Y la iniquidad cerrará su boca.
17 He aquí, bienaventurado es el hombre a quien Dios castiga;
Por tanto, no menosprecies la corrección del Todopoderoso.
18 Porque él es quien hace la llaga, y él la vendará;
Él hiere, y sus manos curan.
19 En seis tribulaciones te librará,
Y en la séptima no te tocará el mal.
20 En el hambre te salvará de la muerte,
Y del poder de la espada en la guerra.
21 Del azote de la lengua serás encubierto;
No temerás la destrucción cuando viniere.
22 De la destrucción y del hambre te reirás,
Y no temerás de las fieras del campo;
23 Pues aun con las piedras del campo tendrás tu pacto,
Y las fieras del campo estarán en paz contigo.
24 Sabrás que hay paz en tu tienda;
Visitarás tu morada, y nada te faltará.
25 Asimismo echarás de ver que tu descendencia es mucha,
Y tu prole como la hierba de la tierra.
26 Vendrás en la vejez a la sepultura,
Como la gavilla de trigo que se recoge a su tiempo.
27 He aquí lo que hemos inquirido, lo cual es así;
Óyelo, y conócelo tú para tu provecho.
