Quilvana:
1 Acyitnec coo sictajanma alhtaa, aclhanma evalhoc sicponcanma siyasicjayo. Ayitamquic alhta inyicje, am alhta otaac mocjam.
2 Aclhaticjac alhta coo sitamsama sicponcanma nipyesicsa tingma apvanyam. Ayitamquic alhta sicponcanma siyasicjayo, sicsovjam alhta apvalhoc tingma. Ayitamquic alhta inyicje, am alhta otaac mocjam.
3 Acpamejitcasquic alhta apquiltamilquiscama tingma guardia maa: ¿Apquilvita ya quellhip sicponcanma siyasicjayo? — alhta actomjac coo.
4 Acpecjam alhta osovjam mocjam. Pilapcasquic alhta sicvita sicponcanma. Acmec alhta apmic, sicyantamaclho natingma, payjoc tingma ac meme coo.
Enlhit:
5 Quellhiya enaymacoc co Jerusalén, pac olhenic asoc navjac popyit najan yatepopyit, colhejec acyascacmo. ¡Noncollhaticjas nasa sicvanmoncama acliclamo evalhoc! ¡Cotyinic sat mocjam, colhaticjac sat anco, mepqui ninlhaticjascama!
Tercer canto ningminaycmascama
Coro:
6 ¿Soc lha apquilhyam payjoc yoclhilhma actamopaycaoc? Apvitacpec maa naysicsa etin acmiyayclha netin, acvisay etin ayinyema asoc acmasis acmeta najan mirra acmasis acmeta, najan ayinyema aclhamoclhojo actemaclha acpaniyam asoc acmasis.
7 ¡Quip elanojo Salomón aptajanma! Apquilhyacme, najan apquillhalhmaa sesenta soldados, apquilyimnatem apanco enlhitaoc Israel.
8 Apquilmopvan apquilmaycam sovo acvinatem, apquilmopvan elimpocjac elnapacpoc. Apquilsoycam apyampam sovo acvinatem, eltajanyac mataa acmasom alhtaa.
9 Apquillanac alhta apvisqui Salomón lhama aptajanem, ayinyema yamit de Líbano.
10 Aptajanem ayavaoc allanomalhca plata, najan oro payjoc apcapoc, najan púrpura apava payjoc apnaclhilha, najan apvalhoc alnatanma, ayinyema quilvanaa co Jerusalén.
11 ¡Quellhiya enaymacoc co Jerusalén, colmiyama jilip colanojoc sat apvisqui Salomón! Yitnec appocanma apyitsicsic, allaney siclho inquin. Actomja apnatanma as acnim alyimjapmaclha, acvisay acnim acyivey acpayjayclha apvalhoc.
© © Biblia en Enhlet (Lengua Norte) © Paraguayan Bible Society, 1995.
