Comascoc sat actemaclha ningvinama
1 Ningvitac alhta apquilvactamo enlhitaoc apquilmomap co Sión.
Malha acvitay ningvanmoncama alhta intomjac.
2 Avanjec alhta acpayjayclha ingilvalhoc.
Avanjec alhta ningitsovascama ningvita.
Apquiltomjac alhta apquilanya lhalhma anco:
—Pilapcasquic nincoo. Am ongvitayac actema nac lha — alhta apquiltomjac.
3 Naso, pilapcasquic nincoo ningvita aptamjaycam simpilapquiscama Visqui.
Avanjec alhta acpayjayclha ingilvalhoc.
4 Ipayesiclha sat mocjam ingilvalhoc, malha acmamay naysicsa acyamay'oclhilhma sat cotnejic.
5 Ninginaclhec sat ancoc actic naysicsa ningvinama.
Ongnaclhic sat acyilhna naysicsa acpayjayclha ingvalhoc.
6 Ningillhinquic nincoo, ninginaclhec actic naysicsa ningvinama.
Ongilvotac sat mocjam naysicsa acpayjayclha ingilvalhoc.
Ongitsantac sat cotlaycaoc acyilhna.
© © Biblia en Enhlet (Lengua Norte) © Paraguayan Bible Society, 1995.
