Jesús aplhanma etvasacpoc tingma apponquinomap
(Mt 24.1-2Lc 21.5-6)1 Lhama alhta aptepa tingma apponquinomap. Apquiltimnasquic alhta lhama apquiltamescama:
—Visqui, quip ilanojo mataymong najan tingma apquiltamalma.
2 Apcatingmavoc alhta Jesús:
—¿Apvita ya lhquip as tingma apquilyiviy? Coymalhquejec sat lhama mataymong tacjalhit moc. Cosovjalhcojoc sat colhic alyanincasamcojo as mataymong —alhta aptomjac.
Asoc monquinatquiscama actamongvomlha nelha acnim
(Mt 24.3-28Lc 21.7-24Lc 17.22-24)3 Apnacmec alhta netin inquilhe acvisay Olivos acpayjo tingma apponquinomap. Apquilyilhacpoc alhta apquililmalhnamcaa Pedro, najan Jacobo, najan Juan najan Andrés:
4 —Jingiltimnas nincoo, ¿jalhco saticvam cotnejic as asoc aplhena lhac? ¿Soc sat asoc ongvitac monquinatquiscama, yoyam cotmongvomoc nelha as asoc? —alhta aptomjac.
5 Apcatingmavoc alhta Jesús:
—Elavojo quellhip. Noelyinimsap nasa. 6 Elilhyemoc sat aplhamoclhojo enlhit elsamac sat coo sicvisay: “Coo nac Cristo” —sat eltimjic. Elyinimsic sat aplhamoclhojo enlhit.
7 “Apquillingac sat ancoc quellhip amyaa apquilnapacpilha enlhit, noela nasa. Mongvanquejec mongvita aso. Am covocmoc mocjam nelha acnim. 8 Elnapacpoc sat enlhitaoc. Elnapacpoc sat najan apquilviscaa. Coyovjam sat lhop lhalhma anco. Mayc sat incolnapoc enlhitaoc. Eycaso actiyapmaclha siclho acmasca.
9 “Eltamilsacpojo apanco quellhip. Colhic sat acnalaclho quellhip tingma ningyicpilcomalhcoclhilha. Colhic sat alyicpilhquetamco quellhip tingma apcaneyclhilha. Colhic sat najan acnalaclho quellhip apnamcaclha apquilviscaa, coo eyca ayinyemaclha. Ellingas sat quellhip amyaa. 10 Copayesalhcac sat siclho tasic amyaa nipyesicsa enlhit lhalhma anco. 11 Apquilmacpec sat ancoc quellhip yavamlha sat colhic acyicpilcojo. Noncolquitam nasa apquilvalhoc appayvam, yoyam elatingmojo. Apquilyasingvoclhec sat ancoc as asoc, eliltimnam sat. Jave sat inyicje apquililtimnaycam apancaoc, Espíritu Santo apcaycaoc eyca. 12 Etanongvomoc sat enlhit ingyanic sat ematong. Etanongvomoc sat apquitca enlhit ingyanic sat ematong. Eltanongvomoc sat apyapmayc najan incanayc enlhit ingyanic sat coticyo. 13 Eltanovacpoc sat quellhip lhalhma anco, coo sicvisay ayinyema apquiltanoncama. Apquilinlhanacmec sat ancoc enlhit actamongvomlha nelha, evomsacpoc sat tap.
14 “Aptalhesquic nic nat Daniel profeta Dios aplingascama. Aclhenomalhca acyitnaclha acpasyamlha najan actovascamaclha. Apquilvitac sat ancoc quellhip as asoc, elinyajaoc sat inquilha (apquilyipsatquic sat ancoc as amyaa, elyasamcojo anco). 15 Apnacmec sat ancoc enlhit tingma netin, nongyane nasa etyapoc, yoyam evoclha asoc apanco congne tingma. 16 Apnacmec sat ancoc enlhit amyip, nongyane nasa etajiclha, yoyam evoclhac apquilantalhnama. 17 Quilvanaa sat layi actomja inlovsavo najan inalavaa. 18 Elilmalhna sat quellhip Dios Ingyapam, yoyam cotnejec nipyesicsa piyam. 19 Coyajapoc sat apquilvalhoc enlhit apquilvita sat acmasca. Am nic nat cotamalhca actema nac jay, ayenmo apquilantipquiscamaclha asoc Dios Ingyapam. Najan cotalhquejec sat mocjam actema nac jay. 20 Am sat ancoc eyavatasoc Dios Ingyapam acmasca, melvomejec sat tap enlhitaoc. Dios apquitquic apquilyacyesomap ayinyemaclha apyavatescasac acmasca.
21 “Aptomjac sat ancoc lhama apquilanya quellhip: “Quip ilanojo Cristo apvaa.” “Apnec maa.” Noelaylhojo nasa, elyasquim anco. 22 Elilhyemoc sat enlhit apquiltimesomap apanco Cristo najan profeta apmopvancaa amyaa. Ellhicmocsic sat asoc monquinatquiscama najan tamjaycam sinpilapquiscama. Apquililtamjo inyicje elyinimsic Dios apquitquic apquilyacyesomap. 23 Eltamilsacpojo apanco quellhip. Altimnasquic lhac yicpintama cotnejic as asoc —alhta aptomjac Jesús.
Apvoyctamlha sat apvisay Aptiyam Aptomja Enlhit
(Mt 24.29-35Mt 42Mt 44Lc 21.25-36)24 “Natamin acsovjomalhca acnim acmasquilha, cajancoc sat acnim, ingyajancoc sat piltin. 25 Epalentac sat apyova, colyovjam sat asoc alyimnatem netin. 26 Natamin etacpoc sat apvisay Aptiyam Aptomja Enlhit, apvactamo sat naysicsa yipjopay. Coyiplovjoc sat apmopvan najan gloria apcapongmatem apanco. 27 Yejemoc sat elapajacsic Dios ángeles apquilasinancama apancaoc. Elansiclhac sat apquitquic apquilyacyesomap. Elinyintac sat lhalhma anco. Elinyintac sat netin najan nalhpop.
28 “Elyasamcojo actemaclha higo yamit: Inyimselec sat ancoc naváyc yamit, eyca pa elyasamcojo, camquitvocmec mocjitma. 29 Najan lha quellhip, apquilvitac sat ancoc as asoc siclhena lhac, natamin elyasamcojo sat ayamquito sicvoyctamlha. Ningatoc malha tingma apatong. 30 Actomjac coo siyanya quellhip: Naso, colvitalhcac sat as asoc yicpintama esovjacpoc as enlhitaoc. 31 Comascoc sat netin najan nalhpop, comasquejec sat coo sicpayvam.
32 “Mongyasamquejec acvamlha acnim yoyam cotnejic. Am najan elyasamcoc ángeles Dios apquilasinancama netin. Am najan eyasamcoc Dios Apquitca. Ingyapam eyca apvamlha apanco apyasamco.
33 “Eltamilsacpojo apanco, elalh sat quellhip. Melyasamcoc quellhip lha, yoyam comoc acnim. 34 Malha inyicje enlhit aplhinga mocjay. Apyinyovquic siclho tingma pac. Apquilasinaquic apquilancam apcanama eltamjam. Najan apcanama poc elaylhic atong. 35 Elalh sat quellhip lha. Melyasamcoc acvamlha evota visqui apancaoc. Actalhnam lhaja, alhtaa aysicso lhaja, acpayvam tataa lhaja, alhtooc lhaja. 36 Elalh sat quellhip lha, yoyam metangvota apnatenaclha apvactamo sat apvisqui apancaoc. 37 Innoc sictomjaclha lhac siyanya quellhip actomjac coo siyanya aplhamoclhojo enlhit:
—Elalh —alhta aptomjac.
© © Biblia en Enhlet (Lengua Norte) © Paraguayan Bible Society, 1995.
