Jingilvomquis tap nincoo
1 Lhip Visqui ingac.
Ingilasicjaclhec mocjam lhip ningileyvam yoclhilhma lhip apyacyescama.
Aptimescasquic mocjam acpayjayclha apquilvalhoc Jacob apquilmolhama.
2 Apmascosquic alhta apquiltemaclha apquilsilhnanomap apanco enlhitaoc.
Apmascosquic alhta lhip aclhamoclhojo melyascalhma.
3 Apquilvatasquic alhta lhip aptemaclha sintanoncama.
Apquilvatasquic alhta lhip aptemaclha aplom.
4 Lhip Visqui ingac aptomja singvomquiscama tap.
Jingilvomquis mocjam tap nincoo.
Nojingiltanova nasa mocjam.
5 ¿Cotningvomeje ya nelha singiltanoncama lhip?
¿Cotningvomeje ya nelha aplom lhip.?
6 ¿Apquiltamjo ya jingilmesiclhac mocjam acyimnatem ingnenyaoc?
Colpayjiclhac sat mocjam apquilvalhoc lhip enlhitaoc apancaoc.
7 Lhip Visqui ingac. Jingilasicjiclhojo sat mocjam.
Jingilvomquis mocjam tap nincoo.
8 Ongvaylhojoc sat mocjam lhip appayvam aptomja Visqui ingac.
Jingillhicmocsic sat actemaclha actamilaycam ingilvalhoc ningiltomja ningiltamilcasomalhco inganco.
Yoyam mongilsilhnanalhquejec sat mocjam ayinyema nintemaclha inganco.
9 Naso, ningatoc anco apna Visqui ingac.
Apquiltamjoc elvomsic tap aptomja apquilayo.
Colhic sat ayaco apvisay ningyesicsa nincoo.
10 Acno moc actemaclha singasicjayo najan actomja nasoc anco.
Am coyitnocjac mataa actamilaycam ingvalhoc najan actemaclha acpeyvomo.
11 Cotalhcac sat actomja nasoc anco, malha actictiyapma ninganma intomjac.
Cotalhcac sat actemaclha acpeyvomo, malha ayinyema netin.
12 Visqui ingac sat conyemac acmamay.
Acyilhna eyca conyemac as nalhpop.
13 Cotalhcac sat actemaclha acpeyvomo, malha aclhingam amamyi sat cotnejic.
Coyinyovejec sat mataa Dios actemaclha acpeyvomo.
© © Biblia en Enhlet (Lengua Norte) © Paraguayan Bible Society, 1995.
