Mocjam appayvam Job
1-2 Apcatingmavoc nic nat Job: Aclingac alhta mataa, acno apquillhanma quellhip. Jave apquiltamilquisquiyam evalhoc quellhip, eyca apquilyimtalhnescama evalhoc.
3 ¿Pa ya elvaticsic lhip aptemaclha seyatingmoctama, so actomja yi?
4 Evanquic coo lha oltimnacsic sicpayvam, sicvita inlhojo apquillingaycamco acmasca quellhip. Evanquic olhamasiclhac sicpayvam, acyiplomo sicvenéycam quellhip.
5 Evanquic coo sicpayvam otamilquiscomoc najan oyimnatesquisic apquilvalhoc.
6 Yitnec sat ancoc sicpayvam, acno moc mepqui sicpayvam, comasquejec sat acmasca eyimpejic coo.
7 Dios ayinyema mepqui sicyimnatem coo, najan mepqui mocjam enaymacoc coo.
8 Avanjec siclingaycamco acyimtalhnama coo, sictimesomalhca sicmasom ayinyema apquilmopvancaa amyaa.
9 Seyamascam coo Dios, malha sictomja asoc navjac aclom, selaneyo naysicsa aplom.
10 Apquilpasmeclhec enlhit sicnaclha coo, selinmelhaycam najan selticpaycam coo.
11 Acmalhquic coo nipyesicsa apquilmapsomcaa, ayinyema apcanama siclho Dios.
12 Aptovasquic alhta Dios actamilaycam evalhoc, eyinjac alhta, yoyam jeyajic coo.
13 Avanjec apcasquiscama eyimpejic, appalhcata evalhoc coo, mepqui seyasicjayo.
14 Etnescasquic cotlaycaoc selyimsem, aptomjayclho cotnaja ingmoc Dios.
15 Avanjec acmayovsa evalhoc mepqui sicyimnaa sicyitnama naysicsa lhopactic.
16 Inyipjec najat coo ayinyema sicvinama, silaneyo malha tiyam etin intomjac.
17 Mepqui sicsilhnanomalhca ajanco, impeyvoc mataa actemaclha silmalhnancama coo.
18 ¡Altamjo inyicje colhic acpeyvescasquiclha sictemaclha, comasquejec sat mataa siliclhangveycam!
19 Incaymalhquic lhama elhic netin, etnejic semasma coo napato Dios.
20 Epeyvescasiclhac sat napato Dios aclhanma evalhoc naysicsa sicvinama coo.
21 Dios aptomja sictimem emoc, epeyvescasiclhac sictemaclha, malha semasma etnejic.
22 Acyavataclhojo mocjam sictiyascam coo, olhong sat mepqui sicvoycta mocjam— nic nat aptomjac Job.
© © Biblia en Enhlet (Lengua Norte) © Paraguayan Bible Society, 1995.
