Actemaclha ningayo Dios
1 Innec ayaco Visqui ingac.
Actimec coo siyayo ayinyema evalhoc coo.
2 Actimec coo siyayo Visqui aclhamoclhojo acnim.
Omnaycmacsic sat actemaclha siyayo Dios acvocmo acnim siyitsepma.
3 Noeltime nasa apquilyilhanmeycam enlhit apquilyimtalhnamo.
Apquiltomja enlhit apanco comopvan jingilvomsic tap.
4 Colantalhniclhac sat apquilinamam, eltimiclhac sat lhopactic.
Comasquingvomoc sat actemaclha allhanma apquilvalhoc yoyam ellanac asoc.
5 Ningilinyejemoc anco nincoo ningiltomja simpasmom Dios, Visqui pac Jacob.
Ningiltomja ningyilhanmeycam Dios Visqui ingac.
6 Aptomja apquillanay netin najan nalhpop najan yingmin acvanyam,
najan aclhamoclhojo asoc acnaycaoc maa.
Aptomja meyeycajascama aplhenaclha.
7 Aptomja appeyvescasquiclha amyaa naysicsa apquillingaycamco acyimtalhnama.
Aptomja apquilmescama aptoycaoc mayic'ataoc.
Visqui ingac aptomja apquilyamyayclha apquilmomap.
8 Aptomja apnesayclha apataoc enlhit mepqui apataoc.
Aptomja aptamilquisquiyam enlhit apsilhnanomap apanco.
Aptomja apquilasicjayo enlhit apquilpeyvomo.
9 Aptomja aptamilquiscama cotnaja nintemolhama.
Aptomja appasmom apquilyeyjeycam najan lhintampaa.
Aptomja apquinmelhaycam apquiltemaclha apquilmapsomcaa.
10 Quellhip tingma Sión.
Visqui ingac aptomja apcanem cotmongvoycamlha nelha.
Dios aptomja Visqui ingac cotningvoyam nelha.
Innec ayaco Visqui ingac.
© © Biblia en Enhlet (Lengua Norte) © Paraguayan Bible Society, 1995.
