Mocjam appayvam Zofar
1-2 Aptomjac nic nat appayvam Zofar: Avanjec actamjaycam evalhoc coo, movanquejec omyoc sicpayvam, yoyam ongvatingmojo. 3 Invenalhquic evalhoc coo, ongvatingmojoc sat sictomjaclha sicyascamco.
4 Apyasamcoc lhip nintemaclha enlhit as nalhpop, ayinyema siclhoc nic nat:
5 Acyavataclhojo mataa acpayjayclha apvalhoc enlhit apmapsom, quilhvoc incomascoc.
6 Inticlhicvocmec sat ancoc apcatic yipjopay, acvaycmo nitnoc anco apnaclha Dios.
7 Emasquingvomoc sat acno asoc apac (apyi). ¿Co la apyasa? — etnejic sat apcanyacpo.
8 Comascoc sat malha acvitay apvanmoncama, metacpejec sat mocjam aptiyascam maa.
9 Metacpejec sat mocjam nipyesicsa apnaymacoc, cotalhquejec sat mocjam apmaclha.
10 Apquilanyacpec apquitquic eltajicsojo apquilnatam acminyilhamalhca siclho.
11 Inmasquec aptemaclha apyimnatem, ingyatoynacpoc sat congne malhic.
12 Apyispaquic mataa aptom acmasom, atsic intomjac apvalhoc coning apalhcoc.
13 Acvoncaclhojo apitsisa aptom acmasom, inpayjeclhec netin apalhcoc, mepqui apnasipma.
14 Natamin apnasipma aptom, cotniclhac veneno acmasom congne apvocmo, malha acyeyva.
15 Etajicsojoc sat apquilnatam acminyilhamalhca, malha apyiclhama sat cotnejic, ayinyema apcanama Dios Visqui ingac.
16 Apnasipquic alhta acmasom, malha veneno acyeyva alhta intomjac ayajem.
17 Mepqui apquinatam, yoyam ingyitsovacsojo, mepqui leche ayinyem, mepqui yamyovjene.
18 Apcanyacpec etajicsojo apquilnatam, comascoc acpayjayclha apvalhoc, paj mocjam.
19 Aplhamaseclhec apquilnatam najan tingma, aptomja apancaoc enlhit mepqui apquilnatam.
20 Mepqui mataa ayastingam asoc, memyovacpejec sat ayinyema apquilnatam.
21 Avanjec ayitsepma apnenyic etoc asoc, asilhtec mataa acpayjayclha apvalhoc maa.
22 Cascama apquilnatam actomja acmascoscama acpayjayclha apvalhoc, elngamcojoc sat acmasom ayinyema enlhit apquilmapsomcaa.
23 Naysicsa aptom elngamcojoc sat apyanmongsayclha Dios aptemaclha apanco, elngamcojoc sat acyivey aplom pac ayinyema Dios.
24 Am sat ancoc ematnac ayinyema sovo ayajem, ematong sat ayinyema yanca pilhpaalh.
25 Elimsec sat yanca apcapoc, coyimsasic apjicjic, acyiplomo ayay apvalhoc maa.
26 Etac sat yatescamalhma, cajic sat talha najan colnapoc apquilmolhama apanco.
27 Copquenalhcac ayalhnaclhojo apvalhoc apanco, ayinyema acvitaycamco netin najan acvitaycamco as nalhpop.
28 Cotvasalhcac sat apquilnatam, acvaa inlhojo aplom pac Dios, yoyam emascoscomoc.
29 Eycaso aplingaycamco acyimtalhnama enlhit apmapsom ayinyema Dios. Visqui ingac aptimesquiscama aplingaycamco acyimtalhnamo as enlhit — nic nat aptomjac Zofar.
© © Biblia en Enhlet (Lengua Norte) © Paraguayan Bible Society, 1995.
