1 Eyantamaclhec alhta as enlhit congne tingma apponquinomap apquilyipsata poste pilastras: Moclhama poste niyava acvamlha tres metros. 2 Acvamlha ancho atong maa cinco metros, najan soportes moclhama dos metros y medio ancho. Natamin apquilyipsatquic maa sala central, acvamlha acvinatem veinte metros, najan diez metros ancho. 3 Apmiyaclhec alhta congne sala, apquilyipsata poste pilastras, acvamlha un metro moclhama poste niyava. Entrada atong acyitna alhta tres metros ancho, najan poste lhama nicja najan moc nicja, tres metros y medio niyava maa. 4 Apquilyipsatquic alhta sala, acvamlha diez metros lhama nicja najan moc nicja. Aptomjac alhta seyanya coo: Eycaso acmaclha mayayoclha Dios, acvisay Lugar Santísimo — alhta aptomjac.
Tingma apponquinomap aplhanaoc
5 Apquilyipsatquic alhta enlhit tingma napocja apvamlha apyivey tres metros. Nipyava tingma apponquinomap acnamco celdas aplhanaoc acvamlha dos metros moclhama. 6 Intomjac alhta tres pisos, actemaclha tacjalhit moc, najan moclhama piso acnamco treinta celdas. Asilhtec actemaclha acyivey alhancoc tacjalhit moc. Inquilyipitsalhquic maa vigas yamit alvinatem tingma napocja, mepqui empotradas. 7 Nicja celdas acyitna rampa apquilquinamten planta baja acvaycmo piso naysicsa najan piso netin anco. 8 Acvitac alhta tingma apponquinomap apvajac yamnitno, tacjalhit maa allanomalhca celdas aplhanaoc. Acvamlha nitno tingma apvajac tres metros. 9-10 Acyivey anco pared tingma napocja celdas, acvaycmo dos metros y medio. Yitnec lhama aplhancoc mepqui avalhoc naysicsa celdas maa acvamlha diez metros ancho, acyitna nicja aplhanaoc apanco sacerdotes. 11 Tingma aplhanaoc celdas acnamco atnaoc, lhama payjoc nilhqueyja, najan moc atong payjoc nipiyam. Acyivey anco muro maa, acvaycmo dos metros y medio.
Tingma napocja actalhningvamlha acnim
12 Tingma napocja payjoc actalhningvamlha acnim, apyitna tingma apquillanomap apvamlha treinta y cinco metros ancho, por cuarenta y cinco metros apvinatem, najan maa mataymong muro acvamlha dos metros y medio acyivey anco.
Apvamlha apyovoclhojo tingma apponquinomap
13 Apquilyipsatacpec tingma apponquinomap, acvamlha cincuenta metros apvinatem. Acvamlha patio, najan edificio, najan muros, acvamlha cincuenta metros ancho. 14 Inquilyipsatalhquic maa fechada najan patio nicja actiyapmaclha acnim, acvamlha cincuenta metros. 15 Tingma apquillanomap tap tingma apponquinomap, payjoc patio jilip, najan maa muros lhama nicja najan moc nicja, acvamlha cincuenta metros apvinatem.
Aptemaclha apquillanomap tingma templo
Yitnec maa salas congne tingma apponquinomap, najan vestíbulo. 16-17 Allanomalhca alhta yamit nicja coning atnaoc ventanas, najan maa niyava ventanas. Najan yamit nicja allanomalhca naysicsa piso najan ventanas, najan netin atong acyivey, najan maa paredes congne najan ayimpeoc alcajasomalhca quilaycmasquiscama. 18 Quilaycmasquiscama alcajasomalhca asoc acma alhimpancoc najan yamit alha. Anit mataa napataa moclhama asoc acma alhimpancoc. 19 Lhama acyitsomalhca enlhit napaat alaneyo yamit alhta. Najan moc naat acyitsomalhca apcatic yamacmeyva alaneyo moc yamit alha. 20 Nipyava tingma apponquinomap alvitamalhco quilaycmasquiscama asoc acma alhimpancoc najan yamit alha, ayenmo nalhpop coning acvaycmo netin atong acyivey. Lhama pared congne sala central 21 acnamco postes cuadradas puerta atong acyivey.
Altar allanomalhca yamit
Yitnec maa Lugar Santísimo mayayoclha Dios. Payjoc jilip acyitna lhama asoc, 22 acyitsomalhca altar allanomalhca yamit, acvamlha lhama metro por lado, najan lhama metro y medio nitno. Yitnec maa esquinas, najan yamit allanomalhca avjac najan nicjaa. Aptomjac alhta enlhit seyanya coo: Acvisay mesa napato Visqui ingac — alhta aptomjac.
Atong acyivey
23-24 Yitnec mataa atong doble payjoc sala central najan Lugar Santísimo mayayoclha Dios. Dos hojas mataa moclhama acnaycaoc moclhama puerta atong. 25 Yitnec quilaycmasquiscama alcajasomalhca atnaoc sala central, asoc acma alhimpancoc najan yamit alha, acno moc quilaycmasquiscama alcajasomalhca payjoc muros. Yitnec maa vestíbulo acpaclhanma allanomalhca yamit nicja. 26 Nicja vestíbulo acnamco atnaoc ventanas najan quilaycmasquiscama yamit alha. Yitnec najan celdas tingma apponquinomap atnaoc ventanas najan quilaycmasquiscama yamit alha.
© © Biblia en Enhlet (Lengua Norte) © Paraguayan Bible Society, 1995.
