Ninlingaycamco acyimtalhnama
1 Avanjec alhta siclingaycamco acyimtalhnama, ayenmo sictemaclha eyitcoc — eltime sat apquilpayvam quellhip enlhtaoc Israel.
2 Avanjec alhta siclingaycamco acyimtalhnama, ayenmo sictemaclha eyitcoc.
Am elmascoscacmoc mataa sictiyascam coo.
3 Elyimsasquic alhta eyapoc, acyiplomo alyivey silyimsem.
4 Visqui ajac aptomja appeyvomo.
Emyovquic alhta napatavo apquilmapsomcaa.
5 Elmancangvomoc sat.
Elinyajamcoc sat cotnaja ingmoc apquilvoy tingma Sión.
6 Elyitsacpoc sat paat nimpaclhanma tingma, acyamay anco paat.
7 Comalhquejec sat mataa.
Colanalhquejec mataa malpilhquetem.
8 Colngalhquejec mataa appayvam enlhit, yoyam epasmoc Visqui ingac, - paj.
Nincoo eyca, ningiltamjoc yoyam epasmoc mataa quellhip Visqui ingac.
© © Biblia en Enhlet (Lengua Norte) © Paraguayan Bible Society, 1995.
