Malyipsatem enlhitaoc Israel
1 Vocmec nic nat lhama acnim (primer día), najan piltin segundo, najan año segundo. Vocmec nic nat lhama año tap apquilantiyapma israelitas yoclhilhma Egipto. Dios Visqui ingac appamejitquiscama nic nat Moisés, payjoc inquilhe Sinaí yoclhilhma actamopeycaoc, congne carpa apponquinomap. Aptomjac nic nat Dios apcanya:
2 Isavojo sat apquilyipsatem apquilvamlha enlhitaoc Israel. Moclhama apquilmolhama clanes najan apquilmolhama familias. Elyasamcojo moclhama apquilmolhama najan apquilvamlha apyovoclhojo enlhitaoc. 3 Elyipsatacpoc sat apquilyimnanic veinte años tap, apquilmopvancaa elsovc apquilmaycam apquilimpocjay. Eltalhos sat apquilvisay singilpilhtetemo, epasmoc sat maa Aarón. 4 Epasmoc sat mataa apquilyap familia moclhama apquilmolhama tribu. 5 Eycaso apquilvisay apyapmayc, yoyam elpasmoc apquilyipsateycaoc enlhitaoc:
Sedeur apquitca apvisay Elisur, nipyesicsa apquilmolhama tribu Rubén. 6 Zurisadai apquitca apvisay Selumiel, nipyesicsa apquilmolhama tribu Simeón. 7 Aminadab apquitca apvisay Naasón, nipyesicsa apquilmolhama tribu Judá. 8 Zuar apquitca apvisay Natanael, nipyesicsa apquilmolhama tribu Isacar. 9 Helón apquitca apvisay Natanael, nipyesicsa apquilmolhama tribu Zabulón. 10 Amiud apquitca apvisay Elisama, nipyesicsa apquilmolhama tribu Efraín (José). Pedasur apquitca apvisay Gamaliel, nipyesicsa apquilmolhama tribu Manasés (José). 11 Gedeoni apquitca apvisay Abidán, nipyesicsa apquilmolhama tribu Benjamín. 12 Amisadai apquitca apvisay Ahiezer, nipyesicsa apquilmolhama tribu Dan. 13 Ocrán apquitca apvisay Pagiel, nipyesicsa apquilmolhama tribu Aser. 14 Reuel apquitca apvisay Eliasaf, nipyesicsa apquilmolhama tribu Gad. 15 Enán apquitca apvisay Ahira, nipyesicsa apquilmolhama tribu Neftalí.
16 Eycaso ilhnic nat apquilvisay malyacyescama moclhama apquilmolhama tribus de Israel. Apquilvisay apquilmolhama apquilyap moclhama clan. 17-18 Vocmec nic nat lhama acnim (primer día), segundo piltin as año nac jay. Apcansaclhec nic nat Moisés najan Aarón as enlhitaoc malyacyescama napato Dios. Innec nic nat alyipsata apyovoclhojo enlhitaoc Israel, moclhama apquilmolhama clanes najan apquilmolhama familias. Moclhama apquilvisay apancaoc enlhitaoc najan apquilvamlha apyovoclhojo enlhitaoc veinte años tap. 19 Acno ilhnic nat apcanama siclho Dios apcanyacpo Moisés. Innec nic nat acnatalhesa apquilvisay enlhitaoc payjoc inquilhe Sinaí yoclhilhma actamopeycaoc.
20-21 Apquilpenasquic nic nat apnatalhescama apquilvisay apquilmolhama moclhama tribu, moclhama clanes, moclhama familias najan moclhama apquilvisay apancaoc. Najan apquilvamlha apyovoclhojo enlhitaoc acyitna inlhojo apquileyvam veinte años tap. Eycaso ilhnic nat Jacob aptovana niptamin apquilsoycam apquilmaycam apquilimpocjay. Aptiyam apmamyi ilhnic nat Rubén.
Apquilmolhama Rubén nic nat 46.500 enlhitaoc.
22-23 Apquilmolhama Simeón nic nat 59.300 enlhitaoc.
24-25 Apquilmolhama Gad nic nat 45.650 enlhitaoc.
26-27 Apquilmolhama Judá nic nat 74.600 enlhitaoc.
28-29 Apquilmolhama Isacar nic nat 54.400 enlhitaoc.
30-31 Apquilmolhama Zabulón nic nat 57.400 enlhitaoc.
32-35 Apquilmolhama Efraín nic nat 40.500 enlhitaoc. Apquilmolhama Manasés nic nat 32.200 enlhitaoc.
36-37 Apquilmolhama Benjamín nic nat 35.400 enlhitaoc.
38-39 Apquilmolhama Dan nic nat 62.700 enlhitaoc.
40-41 Apquilmolhama Aser nic nat 41.500 enlhitaoc.
42-43 Apquilmolhama Neftalí nic nat 53.400 enlhitaoc.
603.550 enlhitaoc apyovoclhojo.
44 Eycaso ilhnic nat macnatalhescama apquilvisay, ayinyema ilhnic nat Moisés najan Aarón, najan doce apquilviscaa israelitas, apyapmayc nipyesicsa apquilmolhama tribus, najan apquilmolhama familias. 45 Apyovoclhojo israelitas apquilmopvan apquilmaycam, acyitna inlhojo apquileyvam veinte años tap. 46 Apsovjoc nic nat malyipsatem seiscientos tres mil quinientos cincuenta enlhit.
Apquilmolhama levitas
47 Am nic nat elyipsatacpoc apquilmolhama tribu levitas nipyesicsa maa. 48 Aptomjac nic nat Dios apcanya Moisés: 49 Ilyipsit sat lhip apyovoclhojo enlhitaoc Israel. Nolyipsit nasa apquilmolhama tribu Leví. 50 Ilane sat levitas eltimesam carpa apponquinomap najan eltamilsic acyovoclhojo apquilmaycam congne carpa apponquinomap. Elpatmaoclhac sat mataa apquilmaycam najan apyovoclhojo carpa apponquinomap. Incaymalhquic ellanac mataa aplhanaoc tingma nipyava tingma apponquinomap. 51 Eljalhyovacsic sat mataa carpa apponquinomap, apquilimpaclho inlhojo mocjam. Ellaniclhac sat mocjam apquilvoycamlha yoclhilhma. Aptalhnec sat ancoc enlhit metnaja apcanyomap, ematong sat maa. 52 Poc apnaymacoc israelitas apquiltemaclha militar singilpilhtetemo. Moclhama carpa tingma acyiplomo bandera apancaoc. 53 Elhnam sat mataa levitas nipyava carpa apponquinomap, eltamilsic sat maa, yoyam melsilhnanacpejec apnaymacoc ayinyema aplom pac Dios Visqui ingac.
54 Apquilyajaclhoc nic nat enlhitaoc Israel apquilyiplovquisa apcanamaclha Moisés ayinyema Dios.
© © Biblia en Enhlet (Lengua Norte) © Paraguayan Bible Society, 1995.
