Actemaclha singilipvoyam
1 O Dios, lhip aptomja Visqui ajac.
Inquitamquic mataa evalhoc lhip, malha siyitamsama sicyam yingmin.
Ayitamquic mataa lhip, malha amyip acyamay mepqui acmamay.
2 Altamjoc otac lhip congne tingma apponquinomap.
Actemaclha lhip apmopvan najan mayayo.
3 Actamila anco aptemaclha singasicjayo, colhno ningyimnatem.
Actimec coo mataa siyayo lhip.
4 Otnejic sat siyayo lhip cotningvoycamlha nelha.
Omyasiclhac sat netin emeoc yoyam opayicsojoc lhip.
5 Copayjiclhac sat evalhoc, malha naysicsa sictom actamila anco.
Otnejic sat siyayo lhip acyiplomo acpayjayclha evalhoc.
6 Inlhenquic mataa evalhoc lhip amamyi sictiyanma.
Inyitnec ajatic lhip sictiyapeyacmo alhtaa.
7 Lhip aptomja mataa sepasmom.
Ayitsovasoc mataa napatoc lhip, malha coning aplhimpancoc.
8 Acyipitcavoc mataa lhip acyiplomo evalhoc.
Semasma aptomja lhip, malha semaycaoc apmic actamilaclha.
9 Apquililtamjoc jeltovacsic yoyam jelajic.
Elantilhic sat congne malhic actomjaclha congne.
10 Eticyoc sat maa, sovo acvinatem sat colnapoc.
Colsavojoc sat coltovamcoc asoc navjac aclom.
11 Ingyitsovacsojoc sat enlhit apvisqui napato lhip.
Elminaycmacsic sat apquilayo apquiltomja apquillhanma apvisay Visqui ingac.
Elanyacpoc sat elvanmac apquilmopvancaa amyaa.
© © Biblia en Enhlet (Lengua Norte) © Paraguayan Bible Society, 1995.
