Ningilmalhnesquiscama rey
1 Lhip visqui rey.
Epasmoc sat lhip Dios Visqui ingac.
Epasmoc sat naysicsa aclingaycamco lhip apvalhoc.
Emyovacpoc sat lhip.
Apmasma apvisay Dios Visqui apancaoc Jacob apquilmolhama.
2 Elpasmoc sat lhip Dios apquilapajascama apquilinyema tingma apponquinomap.
Colhic sat acyimnatesa lhip ayinyema tingma apvisay Sión.
3 Colvoncamejec sat Dios, apvita inlhojo lhip apcaycaoc macmescama Dios.
Ingyasicjojoc sat Dios, apvita inlhojo lhip aptoscama apmatnam macmescama Dios acyanmongam mongilyascalhma.
4 Avanjec mataa aclhanma apvalhoc lhip.
Dios Visqui ingac sat epasmoc.
Colhic sat acyiplovquisa aclhanma apvalhoc lhip yavamlha etnejic.
5 Copayjiclhac sat ingilvalhoc aptimesomap lhip apyimnatem apanco.
Ongilmiyasiclhac sat netin bandera naysicsa ningayo Visqui ingac Dios.
Ingyajalhnoc sat mataa Dios aclhamoclhojo apquilmalhnaycam lhip.
6 Acyasamcoc coo:
Lhip visqui rey aptomja Dios apquilyacyescama.
Lhip aptimesomap apyimnatem apanco.
Dios apna netin apjalhenmo mataa apquilmalhnaycam lhip.
Apmopvan apanco Dios, aptimesquiscama apyimnatem apanco rey.
7 Apquilyimnatem mataa poc ayinyema carros apancaoc najan nolhing apcapaoc.
Ningilyimnatem mataa nincoo ayinyema Visqui ingac Dios.
8 Apquilpilapacmec mataa poc apquilyanenma.
Ningilyimnatem mataa nincoo mepqui ningilpaliyam (mepqui ningilpilapiyam).
9 Dios Visqui ingac.
Ipasim sat mataa apvisqui rey.
Ingyeylhojo sat mataa ningevoycam lhip.
© © Biblia en Enhlet (Lengua Norte) © Paraguayan Bible Society, 1995.
