Apmilasictem yoclhilhma Josué
1 Apvanacmec nic nat Josué. Aptomjac nic nat Dios Visqui ignac apcanya: —Apvanacme nac lhip, am esovjac mocjam apmam lhip aclhamoclhojo yoclhilhma apquileyvomaclha cotnaja ingmoc. 2 Incaymalhquic lhip emoc yoclhilhma apancaoc filisteos najan gesureos. 3 Ayenmo vatsam Sihor nicja Egipto, payjoc actiyapmaclha acnim, acvaycmo Ecrón payjoc nilhqueyja, apquileyvomaclha cananeos. Apnam maa cinco apquilviscaa filisteos: apvisay co Gaza, co Asdod, co Ascalón, co Gat, co Ecrón. Incaymalhquic yoclhilhma apquileyvomaclha aveos 4 payjoc nipiyam, najan apquileyvomaclha cananeos, ayenmo tingma apancaoc sidonios, acvaycmo Afec nicja apquileyvomaclha amorreos. 5 Incaymalhquic yoclhilhma apquileyvomaclha giblitas, najan yoclhilhma Líbano, payjoc actiyapmaclha acnim, ayenmo Baal-gad inquilhe Hermón, acvaycmo tingma Hamat. 6 Olantipsic sat sidonios napatavo enlhitaoc Israel najan apquileyvam inquilhe alvinatem, ayenmo Líbano acvaycmo Misrefot-maim. Lhip Josué, imlasic sat lhip yoclhilhma ellhovamcoc enlhitaoc Israel, acno siyanama alhta siclho. , 7 Imlasic sat maa nipyesicsa tribus apquilmolhama apjalhnancaoc, najan media tribu apquilmolhama Manasés — nic nat aptomjac Dios Visqui ingac.
Apquillhoy mocjam yoclhilhma
8 Apquillhocac nic nat yoclhilhma apquilmolhama Rubén, najan Gad, najan media tribu Manasés, apmilasictem nic nat Moisés vatsam Jordán payjoc actiyapmaclha acnim. 9 Apquillhocac nic nat yoclhilhma ayenmo Aroer acvaycmo vatsam Arnón. Najan tingma apvanyam nalhit alvata najan amyip acvanyam Medeba acvaycmo Dibón. 10 Najan maa aplhamoclhojo tingma apquilvanyam, apanco siclho apvisqui Sehón, tingma pac Hesbón, nipyesicsa amorreos, acvaycmo nicja apquileyvomaclha amonitas. 11 Apquillhocac nic nat Galaad najan yoclhilhma apquileyvomaclha gesureos, najan maacateos, najan inquilhe acvinatem Hermón, najan yoclhilhma Basán acvaycmo Salca. 12 Najan yoclhilhma Basán, apcanamaclha apvisqui Og, tingma pac Astarot najan Edrei, aptomja refaita apcaymomap. Moisés nic nat apquilantipquiscama actomja apquilaoclha refaitas. 13 Am nic nat elantipsacpoc tingma Gesur najan tingma Maaca. Apquileyvec mataa nipyesicsa israelitas acvaycmo as ningvamlha nac jay.
14 Am nic nat ellhovamcoc yoclhilhma apquilmolhama Leví, ayinyema apcanama siclho Moisés. Ellhovamcoc sat mataa asoc macmescama Dios najan ofrendas macmescama Dios, acno apcanama siclho Dios Visqui ingac.
15 Apquillhocac nic nat yoclhilhma apquilmolhama clanes Rubén. 16 Yoclhilhma ayenmo Aroer acvaycmo vatsam Arnón najan tingma nalhit alvata najan amyip acvanyam Medeba. 17 Acvaycmo tingma Hesbón najan aplhamoclhojo tingma apquilvanyam as yoclhilhma, apquilvisay: Dibón, Bamot-baal, Bet-baal-meón, 18 Jahaza, Cademot, Mefaat, 19 Quiriataim, Sibma, Zaret-saher apyitna netin inquilhe payjoc alvata, 20 Bet-peor, Bet-jesimot, Pisga nicja inquilhe. 21 Apyovoclhojo tingma apquilvanyam as yoclhilhma, najan yoclhilhma apcanamaclha siclho apvisqui Sehón, tingma pac Hesbón nipyesicsa amorreos. Apnatovasquic nic nat Moisés apnaymacoc apvisqui Sehón najan yatapquilviscaa co Madian, apquiltimesaycam nic nat maa. Apquilvisay nic nat: Evi, Requem, Zur, Hur Reba. 22 Apquilnapquic nic nat israelitas lhama apyascamco apquiljangaoc apvisay Balaam, Beor apquitca najan poc mocjam apticyovam. 23 Avanjec nic nat apquillhoy yoclhilhma apquilmolhama Rubén, najan tingma najan tingma apquilvanyam, acvaycmo vatsam Jordán.
24 Apquillhocac nic nat yoclhilhma tribu apquilmolhama Gad, apmilasictem nic nat Moisés, moclhama clanes apquilmolhama. 25 Apquillhocac nic nat Jazer najan aplhamoclhojo tingma apvanyam Aroer, payjoc jilip tingma Rabá. 26 Najan yoclhilhma nipyesicsa moclhama tingma apvanyam: tingma Hesbón, Ramat-mizpa, Betonim, Mahanaim, acvaycmo nicja yoclhilhma Debir. 27 Tingma apquilyitna nalhit alvata apquilvisay: Bet-aram, Bet-nimra, Sucot, Zafón, yoclhilhma apcanamaclha siclho apvisqui Sehón, tingma pac Hesbón. Ayenmo vatsam Jordán, payjoc actiyapmaclha acnim acvaycmo acyitnamaclha yingmin Cineret, payjoc nipiyam. 28 Apquilvamlha ilhnic nat tingma apquilvanyam najan tingma apquillhoy tribu apquilmolhama Gad, moclhama clanes apquilmolhama.
29 Apquillhocac nic nat media tribu apquilmolhama Manasés, apmilasictem nic nat Moisés, moclhama clanes apquilmolhama. 30 Apquillhocac nic nat acyovoclhojo yoclhilhma Basán, apcanamaclha siclho apvisqui Og. Yoclhilhma Basán ayenmo Mahanaim, apquilyipsatomap sesenta tingma, apquiltomja apancaoc Jair. 31 Najan nalhit yoclhilhma Galaad, najan tingma apquilvanyam Astarot najan Edrei. Eycaso apquillhoy nic nat la mitad clanes apquilmolhama Maquir aptovana. Manasés apquitca ilhnic nat Maquir.
32 Moisés nic nat apmilasictem as yoclhilhma acvanyam Moab, nipyesicsa israelitas, vatsam Jordán payjoc actiyapmaclha acnim, ningatoc tingma Jericó. 33 Am nic nat ellhocac yoclhilhma tribu apquilmolhama Leví. Aptomjac nic nat Moisés apquilanya: Ellhovamcoc sat quellhip asoc ayaymalhquilha (aymomalhca), conyemac sat Dios Visqui ingac — nic nat aptomjac Moisés.
© © Biblia en Enhlet (Lengua Norte) © Paraguayan Bible Society, 1995.
