Rubén aptovana niptamin
1-3 Israel apquitca aptiyam apmamyi ilhnic nat Rubén. Rubén apquitquic nic nat: Hanoc, Falú, Hezrón, najan Carmí. Yitnec nic nat apsilhnanomap apanco Rubén ayinyema appatjeteycaoc quilvana moc aptava apyap. Inmasquec nic nat apvisay mayayo aptiyam apmamyi. José apquitquic nic nat apquiltimesacpo mayayo nipyesicsa apquilpipma. José aptimesacpo nic nat mayayo napato apyap Israel. , Appintalhnama ilhnic nat apquilmolhama Judá. Aptimesacpec nic nat apvisqui nipyesicsa Judá apquilmolhama.
4-6 Joel aptovana ilhnic nat: Semaías, Gog, Simei, Micaía, Reaía, Baal najan Beera apvisqui rubenita. Apmacpec nic nat maa nipyesicsa cotnaja ingmoc, apvisqui Tiglat-pileser co Asiria ilhnic nat apmam.
7 Beera apquilyalhinga, acno apquilvisay acnatalhesomalhca ilhnic nat: Jeiel apvisay mayayo, Zacarías 8 najan Bela, Asaz apquitca, Sema aptavin, apquilmolhama Joel. Aptiyascam nic nat Bela payjoc Aroer acvaycmo Nebo najan Baal-meón. 9 Acvaycmo apquileyvomaclha actiyapmaclha acnim yoclhilhma actamopeycaoc ayenmo vatsam Éufrates. Aplhameclhec nic nat apnatoscama payjoc yoclhilhma Galaad.
10 Aptimec nic nat apvisqui Saúl. Apquilimpocjac nic nat apquilmolhama Rubén nipyesicsa agarenos, apticyovquic nic nat maa. Apquilnaclhec nic nat yoclhilhma Galaad payjoc nicja actiyapmaclha acnim.
Gad aptovana niptamin
11 Apquileyvec nic nat Gad aptovana yoclhilhma Basán, nicja apquileyvomaclha apquilmolhama Rubén, acvaycmo tingma Salca. 12 Joel apvisay nic nat mayayo, poc Safán, poc Jaanai, poc Safat. 13 Poc nic nat apquilmolhama: Micael, Mesulam, Seba, Jorai, Jacán, Zia najan Heber, apyovoclhojo ilhnic nat siete. 14 Eycaso ilhnic nat Abihail apquitquic. Abihail apyap nic nat Huri, apyap ninga Jaroa, apyap ninga Galaad, apyap ninga Micael, apyap ninga Jesisai, apyap ninga Jahdo, apyap ninga Buz. 15 Apvisay nic nat mayayo Ahí, Abdiel apquitca, Guni aptavin. 16 Apquileyvam nic nat payjoc Galaad yoclhilhma Basán najan natingma, najan amyip acvanyam Sarón najan lhalhma anco. 17 Innec nic nat acnatalhesa apquilvisay naysicsa aptimem apvisqui Jotam co Judá. Aptimec nic nat apvisqui Jeroboam co Israel.
Apquilmolhama dos tribus y media
18 Apquilmolhama Rubén najan apquilmolhama Gad najan apquilmolhama media tribu Manasés apquiltomja enlhitaoc apquilyimnatem acma apquilmaycam sovo acvinatem, pilhpaalh najan ningajapsomalhca. Apyovoclhojo ilhnic nat cuarenta y cuatro mil setecientos sesenta enlhit apquilyimnatem. 19 Apquilimpocjac nic nat nipyesicsa agarenos najan nipyesicsa apnaymacoc Jetur, Nafis, najan Nodab. 20 Apquilpasmec nic nat Dios Visqui ingac. Apnatovasquic nic nat agarenos najan apnaymacoc, ayinyema apquilpasmom nic nat Dios naysicsa apquilimpocjay, ayinyema apquililmalhnancama najan melyasquiyam israelitas. 21 Apnalaclhec nic nat apnatoscama almomalhca nipyesicsa cotnaja ingmoc: cincuenta mil camellos voncayispoc, doscientas cincuenta mil nipquesic najan dos mil yamelyeyjaycoc. Apquilmacpec nic nat cien mil enlhitaoc cotnaja ingmoc. 22 Apquilitsepquic nic nat appintalhnama cotnaja ingmoc, ayinyema apquilpasmom Dios Visqui ingac. Apquilnaclhec nic nat as yoclhilhma acvaycmo acnim, yoyam elmacpoc israelitas nipyesicsa cotnaja ingmoc.
23 Apquileyvec nic nat apquilmolhama media tribu Manasés yoclhilhma Basán acvaycmo Baal-hermón, najan Senir najan inquilhe acvinatem Hermón. Appintalhnama ilhnic nat israelitas. 24 Apquilmolhama apyapmayc apquilvisay nic nat: Efer, Isi, Eliel, Azriel, Jeremías, Hodavías najan Jahdiel. Enlhitaoc apquilvascapma najan apquilyimnatem as apyapmayc apquilmolhama. 25 Apquiltomja eyca apquilinmelhaycam Dios Visqui ingac apquilayo apquilyeyjamcaa. Apquilvatsamquic nic nat. Apquiltomjac nic nat apquilayo quilaycmasquiscama apancaoc cotnaja ingmoc, apnatovascama siclhoc nic nat Dios. 26 Dios nic nat ayinyema apcanyomap apvisqui Pul co Asiria, moc apvisay Tiglat-pileser. Apquilmacpec nic nat maa apquilmolhama Rubén najan apquilmolhama Gad najan apquilmolhama media tribu Manasés. Apnalacpec nic nat payjoc Halah, payjoc Habor, payjoc Hara najan vatsam Gozán. Apquileyvec mocjam as ningvamlha nac jay.
© © Biblia en Enhlet (Lengua Norte) © Paraguayan Bible Society, 1995.
