Setamilquiscama Visqui ingac
1 Visqui ingac aptomja setamilquiscama.
Mepqui lhama asoc ayaymomalhca coo.
2 Elhnescaclhec malha aptoscama naysicsa actamilaclha paat.
Eyantamaclhec mataa nicja yingmin apquilyinatamaclha apnatoscama.
3 Apyimnatasquic mataa evalhoc coo.
Eyantamaclhec mataa coo yoyam oyiplovcasojo actemaclha acpeyvomo.
Colhic sat ayaco apvisay apanco. ,
4 Mongvacyejec sat otjanyac acyimtalhnama, malha naysicsa sicmilanem alvata alhtaa.
Lhip aptomja siclhalhma coo.
Intamilaclhec evalhoc sicvita yamit apquileyneycam apsoycam mataa lhip.
5 Emcasquic mataa sictom napatavo cotnaja ingmoc.
Apcatsiscasquic mataa epatic asoc masis.
Eyatimcasquic ingjaycoc aclaney'o yoyam oynic.
6 Olhcac sat mataa asoc altamila najan actemaclha seyimlayquiclho aclhamoclhojo acnim sictiyascam as nalhpop.
© © Biblia en Enhlet (Lengua Norte) © Paraguayan Bible Society, 1995.
