Apquiltemaclha selinmelhaycam
1 Dios Visqui ajac.
Ingyeylhojo siliclhangveycam.
Jemyov coo sicvita inlhojo selinmelhaycam (cotnaja ingmoc).
2 Apquilpasmacpec mataa apquilmapsomcaa yoyam jelajic.
Jetamilquis coo.
Apquilpamejitsacpec mataa apquilmapsomcaa yavamlha eltimjic.
3 Asquejec apquilpayvam, malha sovo acmajamtic intomjac.
Asquejec apquilpayvam, malha yanca altilhnamalhca panatem singajem.
4 Yanca apancaoc alinyema apquilyilhanmomaclha apquilmapsomcaa.
Yoyam eticyo enlhit apquilpeyvomo (mepqui apquilsilhnanomap apanco).
5 Am elvatasac mataa apquiltemaclha apancaoc.
Apninquinquic mataa trampa quiljanma.
Apquilanya mataa cotamalhca trampa quiljanma.
6 Apquilyilhasquic mataa apquiltemaclha apquilpamejitsomap.
Somcoc mataa alquitamsama apquilvalhoc.
7 Elyimsasic sat Dios apyingam yanca pac.
Cotlapsic sat ellingamcojo apquilyimsem.
8 Elsilhnanacpoc sat apanco ayinyema apquilpayvam.
Elasmesacpoc sat apquilvitacpo.
9 Eltimjic sat apquilayo Dios apquilvita inlhojo aptomjaclha Visqui ingac.
Elyasingvomoc sat aptemaclha Dios Visqui ingac.
10 Copayjiclhac sat apquilvalhoc enlhit apquilpeyvomo.
Eltingyac sat Visqui ingac aptomja apquilmasma.
Colhic sat ayaco moclhama apquilpeyvomo.
© © Biblia en Enhlet (Lengua Norte) © Paraguayan Bible Society, 1995.
