Tingma apquillhoy apquilmolhama Leví
(1~Cr 6.54-81)1-2 Apquilmiyaclhec nic nat tingma Silo yoclhilhma Canaán apyapmayc apquilmolhama Leví. Apquililtamjoc nic nat elpamejitsic sacerdote Eleazar najan Josué najan apquilayo apquilmolhama Israel. Apquiltomjac nic nat apquilanya: Aptomjac siclhoc alhta Dios Visqui ingac apcanya Moisés, colhic sat singmesa tingma apquilvanyam, yoyam onlhic. Colhic sat singmesa amyipayc piquetes aleyvomaclha ninatoscama — nic nat apquiltomjac. 3 Am nic nat elmiyavac israelitas. Apquillhocac nic nat levitas tingma apquilvanyam apquilmescama nasa israelitas, najan maa amyipayc piquetes, acno apcanama siclho Dios Visqui ingac.
4 Siclhoc nic nat apquillhoca tingma ayinyema apquilmaycam sicas apquilmolhama Coat aptovana. Sacerdote Aarón nic nat apmescama tingma apquilvanyam. Apquillhocac nic nat apquilmolhama Coat trece tingma apquilvanyam, apquileyvomaclha apquilmolhama tribu Judá, najan Simeón, najan Benjamín. 5 Poc apquilmolhama Coat apquillhocac nic nat diez tingma apquilvanyam, apquileyvomaclha tribu Efraín najan tribu apquilmolhama Dan, najan media tribu apquilmolhama Manasés. 6 Apquillhocac nic nat tingma ayinyema actemaclha apquilmaycam sicas, apquilmolhama Gersón aptovana. Apquillhocac nic nat trece tingma apquilvanyam, apquileyvomaclha apquilmolhama tribu Isacar, najan tribu Aser, najan tribu Neftalí, najan media tribu apquilmolhama Manasés, payjoc yoclhilhma Basán. 7 Apquillhocac nic nat tingma apquilmolhama Merari aptovana. Apquilhocac nic nat doce tingma apquilvanyam apquileyvomaclha apquilmolhama tribu Rubén, najan tribu Gad, najan tribu apquilmolhama Zabulón.
8 Apquilmilasquic nic nat israelitas tingma apquilvanyam najan amyipayc, ayinyema actemaclha sicas, yoyam ellhovamcoc apquilmolhama levitas, acno ilhnic nat Dios Visqui ingac appayvam apcanyacpo Moisés. 9 Apquillhenacpec tingma apquilvanyam apquillhoy nic nat maa nipyesicsa apquilmolhama tribu Judá najan apquilmolhama tribu Simeón. 10 Siclhoc nic nat (primeros) apquillhoy tingma apquilvanyam levitas apquilmolhama Coat, Aarón aptovana niptamin. Apquillhoy nic nat ayinyema actemaclha sicas. 11 Payjoc inquilhe alvinatem apquileyvomaclha Judá apquillhocac nic nat Quiriat-arba, moc apvisay Hebrón. Tingma apvanyam apanco apnamcaclha ilhnic nat aptovana niptamin enlhit apvinatem Anac, najan maa amyipayc piquetes. 12 Aplhocac nic nat Caleb, Jefone apquitca, acyovoclhojo apquilcaycaoc najan tingma nipyava maa.
13 Apquillhocac nic nat tingma Hebrón, apmiyovmacpilha enlhit apcajem poc. Apquillhocac nic nat sacerdote Aarón aptovana niptamin moclhama tingma: Libna, 14 najan Jatir, najan Estemoa, 15 najan Holón, najan Debir, 16 najan Aín, najan Juta, najan Bet-semes. Eycaso ilhnic nat nueve tingma apquilvanyam najan amyipayc piquetes. 17 Apquillhocac nic nat apquilmolhama tribu Benjamín moclhama tingma: Gabaón, najan Geba, 18 najan Anatot, najan Almón. Eycaso ilhnic nat cuatro tingma apquilvanyam najan amyipayc piquetes. 19 Apyovoclhojo ilhnic nat trece tingma apquilvanyam apquillhoy sacerdote Aarón aptovana niptamin, najan maa amyipayc piquetes.
20 Apnam nic nat poc apquilmolhama Coat aptovana. Apquillhocac nic nat tingma apquilvanyam apquileyvomaclha tribu Efraín. 21 Apyitnec nic nat inquilhe Efraín tingma apvanyam Siquem, apmiyovmacpilha enlhit apcajem poc. Najan tingma apvanyam Gezer, 22 najan Kibsaim, najan Bet-horón. Eycaso ilhnic nat cuatro tingma apquilvanyam najan amyipayc piquetes. 23 Apquillhocac nic nat nipyesicsa apquilmolhama tribu Dan moclhama tingma apquilvanyam: Elteque, najan Gibetón, 24 najan Ajalón, najan Gat-rimón. Apyovoclhojo ilhnic nat cuatro tingma apquilvanyam najan amyipayc piquetes. 25 Apquillhocac nic nat nipyesicsa tribu Dan moclhama tingma apquilvanyam: Taanac, najan Gat-rimón, najan amyipayc piquetes. 26 Apyovoclhojo diez tingma apquilvanyam apquillhoy nic nat apquilmolhama Coatitas najan amyipayc piquetes.
27 Apquillhocac nic nat tingma apquilvanyam levitas apquilmolhama Gersón aptovana, nipyesicsa apquilmolhama media tribu Manasés, najan maa amyipayc piquetes: apvisay tingma Golán apmiyovmacpilha enlhit apcajem poc, apyitna yoclhilhma Basán, najan tingma Beestera. 28 Apquillhocac nic nat nipyesicsa tribu Isacar tingma apquilvanyam: Cisón, najan daberat, 29 najan Jarmut, najan Enganim. Apyovoclhojo cuatro tingma apquilvanyam najan amyipayc piquetes. 30 Apquillhocac nic nat nipyesicsa tribu Aser tingma apquilvanyam: Misael, najan Abdón, 31 najan Helcat, najan Rehob. Apyovoclhojo cuatro tingma apquilvanyam najan amyipayc piquetes. 32 Apquillhocac nic nat nipyesicsa tribu Neftalí tres tingma apquilvanyam najan amyipayc piquetes. Apvisay tingma: Cedes yoclhilhma Galilea, apvisay tingma apmiyovmacpilha enlhit apcajem poc. Najan tingma Hamot-dor, najan Cartán. 33 Apyovoclhojo trece tingma apquilvanyam apquillhoy nic nat apquilmolhama gersonitas, najan amyipayc piquetes.
34 Apquillhocac nic nat levitas nipyesicsa tribu Zabulón apquilmolhama Merari aptovana tingma apquilvanyam najan piquetes: tingma Jocneam, najan Carta, 35 najan Dimna, najan Naalal. Apyovoclhojo cuatro tingma apquilvanyam najan amyipayc piquetes. 36 Apquillhocac nic nat tingma apquilvanyam nipyesicsa tribu Rubén: tingma Beser, najan Jahaza, 37 najan Cademot, najan Mefaat. Apyovoclhojo cuatro tingma apquilvanyam najan amyipayc piquetes. 38 Apquillhocac nic nat tingma apquilvanyam nipyesicsa tribu Gad: Ramot de Galaad apvisay apmiyovmacpilha enlhit apcajem poc. Najan tingma Mahanaim, 39 najan Hesbón, najan Jaza. Apyovoclhojo cuatro tingma apquilvanyam najan amyipayc piquetes. 40 Apquillhocac nic nat doce tingma apquilvanyam levitas apquilmolhama Merari aptovana.
41 Apquillhocac nic nat levitas yoclhilhma apquileyvomaclha israelitas cuarenta y ocho tingma apquilvanyam najan amyipayc piquetes, 42 payjoc nipyava tingma apquilvanyam. Apno poc nic nat moclhama tingma.
Aplhanma Dios mepqui apyeycajascaoc.
43 Aplhenquic nic nat siclho Dios mepqui apyeycajascaoc napatavo apquilyeyjamcaa, yoyam ellhovamcoc apquilmolhama Israel as yoclhilhma. Apquilnaclhec nic nat lhalhma anco apquiltomjayclho apquilyimnatem. 44 Aplhenquic nic nat Dios mepqui apyeycajascaoc, yoyam colhic actamilaycam apquilvalhoc. Am nic nat elimpocjac mocjam enlhitaoc lhalhma anco. Am nic nat elyimnac mataa cotnaja ingmoc, apquilyimnatem apanco ilhnic nat mataa israelitas ayinyema Dios Visqui ingac. 45 Inlhamoc nic nat aplhanma Dios mepqui apyeycajascaoc, yoyam ellhovamcoc actamila anco enlhitaoc Israel. Apsovjoc nic nat Dios aplhanmaclha, am nic nat coyeycajalhcac lhama appayvam.
© © Biblia en Enhlet (Lengua Norte) © Paraguayan Bible Society, 1995.
