LIBRO I
Salmo 1—41
Actemaclha ningilinyejemo
1 Apquilinyejemoc anco enlhit aptomja aptamilcasomacpo apanco.
Aptomja mevjaneycaoc apquiltemaclha enlhit apquilmapsomcaa.
Aptomja meyiplovquiscama apquiltemaclha enlhit melyascalhma.
Aptomja mepalhaviyam apnaymacoc apquilvennéycam nintemaclha actamila.
2 Apquilinyejemoc anco enlhit acmayjayo apvalhoc Dios appayvam.
Actomja aclhanma mataa apvalhoc Dios appayvam acnim anco najan alhtaa.
3 Apnoc as enlhit actemaclha yamit mayinayclha nicja yingmin.
Inyilhnec mataa acvocmo acyilhnamaclha.
Am copalacmoc mataa ava.
Jave alhtoc mataa apquillanay asoc enlhit aptamilcasomacpo apanco.
4 Moc actemaclha mataa enlhit mepqui aptamilcasomacpo apanco.
Apquiltomja malha quilayqui ayimpeoc ayimposcay alhcajayam.
5 Colapvanquejec mataa elpeyvescasiclha naysicsa macyicpilquemo.
Colapvanquejec mataa elpasmoc Dios apmolhama enlhit melyascalhma.
6 Apyasamcoc Visqui ingac apquiltemaclha enlhit apquilpeyvomo.
Comascoc sat apquiltemaclha apancaoc enlhit apquilmapsomcaa.
© © Biblia en Enhlet (Lengua Norte) © Paraguayan Bible Society, 1995.
