Singyicpilquemo appeyvomo
1-2 Dios apyimtalhnamo.
Lhip nac tata coo. Lhip nac semasma coo.
Jemyov coo naysicsa selya'mascam apquilmapsomcaa.
Jevomquis tap coo.
Malha asoc navjac aclom apquiltomjac.
Jelajic sat mepqui inlhojo semasma ingmoc.
3 Dios apyimtalhnamo. Lhip nac tata coo.
¿Naso inlhojo sicmasom coo?
¿Naso inlhojo sictemaclha ajanco (sicsilhnanomalhca ajanco)?
¿Naso inlhojo sicyanmongsayclha aptemaclha ingmoc mepqui apsilhnanomap apanco?
4 ¿Alhto ya sicyanmongsayclha aptemaclha ingmoc, acyitna inlhojo actamilaycam apvalhoc?
¿Naso inlhojo siyinmelhaycam cotnaja ingmoc mepqui aptemaclha apanco?
5 Nasoc lhaja.
Tasic sat jelmoc cotnaja ingmoc yoyam jelajic.
Seltoyam sat eltimjic selyinyovasa nalhpop.
Selvennéycam sat eltimjic.
Mepqui selayo.
6 Visqui ingac. Itnimiclha netin.
Ilinmelham sat apquillom cotnaja ingmoc.
Ellingamcojoc sat lhip aplom.
Ipeyvescasiclha sictemaclha ayinyema lhip apyicpilquemo appeyvomo.
7 Ingyansiclha sat enlhitaoc lhalhma anco.
Ilha sat netin aptajanem.
Nitnoc anco tacjaplhit enlhitaoc.
8 Visqui ingac aptomja apyicpilquemo enlhitaoc lhalhma anco.
Ipeyvescasiclha sictemaclha coo.
Sicpeyvomo coo najan mepqui sicsilhnanomalhca ajanco.
9 Ilvatasquis apquiltemaclha apquilmapsomcaa.
Ilmiyov sat apquilpeyvomo.
Ayinyema lhip aptemaclha appeyvomo.
Ilyicpilcojo alquitamsama ingvalhoc.
10 Semasma coo apvisay Dios Visqui ingac.
Aptomja singmasma acyitna inlhojo actamilaycam ingvalhoc.
11 Dios Visqui ingac aptomja apyicpilquemo appeyvomo.
Aptomja apyanmongsayclha apquiltemaclha apancaoc apquilmapsomcaa aclhamoclhojo acnim.
12 Am sat ancoc eltajojoc enlhitaoc (am sat ancoc elyanmoncasac apquilvalhoc).
Emoc sat Dios sovo acvinatem acmajamtic.
Najan apquilmaycam pilhpaalh yoyam eyinjac.
13 Vas ajamtic yanca apquilmaycam.
Acvisay apquilmaycam singajem.
14 Aptemaclha apanco apmapsom.
Malha aplovso etimsic aptemaclha apanco.
15 Aptemaclha apmetam malhic malha quiljanma.
Etyamoc sat congne, emacpoc sat apanco.
16 Elngamcojoc sat apanco ayinyema aptemaclha apanco, aptemaclha apmapsom.
17 Otnejic sat siyayo Visqui ingac aptomja appeyvomo.
Omnaycmacsic sat apvisay apanco Visqui ingac apyimtalhnamo.
© © Biblia en Enhlet (Lengua Norte) © Paraguayan Bible Society, 1995.
