Dios Visqui ingac
1 Dios apvisay Visqui ingac.
Colpayjiclha apquilvalhoc quellhip as nalhpop.
Colpayjiclha apquilvalhoc quellhip apnaycam acyayem lhop.
2 Invitalhquic yipjopay alpasyam nipyava Visqui ingac.
Payjoc apvisqui aptajanem acyitna actemaclha acpeyvomo.
3 Malha aclhingam amamyi intomjac talha, cotvacsic cotnaja ingmoc.
Apquilmetquic mataa cotnaja ingmoc apquilvocjay.
4 Avanjec mataa alyinmayam najan tacja, alapongmatem as nalhpop.
Impilhyinimquic mataa as nalhpop acvitalhco tacja (tacja ayajem).
5 Malha pápac appayjayclha altomjayclho mataymong alvinatem.
Napato Visqui ingac, aptomja avtip acyovoclhojo as nalhpop.
6 Inlingalhquic maa netin aptemaclha appeyvomo Visqui ingac.
Invitalhquic gloria aptemaclha apyimtalhnamo nipyesicsa enlhitaoc.
7 Elmancangvomoc sat apquiltomja apquilpayescamo quilaycmasquiscama.
Apquiltomja apquilayo quilaycmasquiscama.
Acyovoclhojo quilaycmasquiscama altomja (dioses) alayo Dios Apyimtalhnamo.
8 Visqui ingac.
Payjeclhec apquilvalhoc co Sión najan co Judá, apquilvita inlhojo lhip aptemaclha apyicpilquemo (appeyvescasquiclha).
9 Lhip nac Apvisqui apyimtalhnamo nipyesicsa apyovoclhojo as nalhpop.
Najan apyimtalhnamo apanco, am colhno quilaycmasquiscama (dioses).
10 Visqui ingac aptomja apquilasicjayo, apvita inlhojo apquiltanoncama actemaclha acmasom.
Apquiltamilcasquic mataa, apvita inlhojo apquiltemaclha apquilpeyvomo.
Elvomsic sat tap, apvita inlhojo apquilmomap nipyesicsa apquilmapsomcaa.
11 Apquilvitac mataa ayitsasquiscama olhma enlhit apquiltamila.
Payjeclhec mataa apquilvalhoc enlhitaoc apquilyajayquiclho.
12 Colpayjiclha apquilvalhoc quellhip apquilpeyvomo napato Visqui ingac.
Eltime sat apquilayo apvisay apanco Visqui ingac apyimtalhnamo.
© © Biblia en Enhlet (Lengua Norte) © Paraguayan Bible Society, 1995.
