1 Ningyinyovquic sat ancoc pan congne yingmin, ongilviticlhac sat nalhit acnim.
2 Pac ongilmilascoc ningilnatam, mongilyasamcoc acvamlha cotnejic mayic ataoc.
3 Inquilpaysacmec sat ancoc yipjopay, comamac sat mocjam.
Coytic ac lha yamit acyatemenamalhca, tasic payjoc nilhqueyja, tasic najan payjoc nipiyam acyaninma.
4 Mongvanquejec onquiniclha actic, ningiljalhna inlhojo yipjopay najan alhcajayam. Acno moc ninliclama acyilhna.
5 Paj ongilyasamcoc actemaclha alhcajayam. Paj ongilyasamcoc actomjayclha sicaa avalhoc inquin. Paj ongilyasamcoc aptemaclha Dios, aptomja apquilantipquiscama aclhamoclhojo asoc.
6 Incaymalhquic onquiniclhac actic alhtoo, najan maa actalhnam. Paj ongilyasamcoc yavamlha ongvita acyilhna.
7 Tasic anco ayitsay olhma ningvita acnim. 8 Incaymalhquic copayjiclhac ingilvalhoc ningvita inlhojo acnim, tasic najan aclhamoclhojo acnim. Ajolhec mataa alhtaa yoyam covac sat. Alhto inyicje aclhamoclhojo asoc yoyam colvac sat.
Apquiltemaclha apquilyimnanic
9 Lhip apyimnanic, copayjiclha sat apvalhoc aclhamoclhojo acnim, etingyac asoc altamila. Iyiplovcasojo aclhanmaclha apvalhoc. Noncolvonquim nasa lhip, ingyatingmojoc sat napato Dios, apquilmalhneclho inlhojo lhip aptemaclha. 10 Nongyane nasa colvoc apvalhoc lhip. Ingyas actemaclha aplingaycamco acmasca. Comascoc sat actemaclha ingva acpasyam, comascoc sat nintemaclha inquitcoc, alhto sat cotnejic.
© © Biblia en Enhlet (Lengua Norte) © Paraguayan Bible Society, 1995.
