Visqui ingac Dios
1 Visqui ingac aptomja Dios.
Visqui ingac aptomja apyimtalhnamo.
Pilapcasquic ningvita actemaclha apyimtalhnamo najan actemaclha apmopvan.
Malha apquilantalhnayclha alyinmom intomjac.
Apquillanac nic nat as nalhpop mepqui acyovjeycam.
2 Lhip Visqui ingac, mepqui acyovjeycam mataa lhip aptajanem.
Apnec nic nat mataa lhip cotmongvoycamlha nelha.
3 Lhip Visqui ingac, avanjec mataa ayilhtingyovam yingmin vatsam.
Avanjec mataa alyayajayam.
4 Acyivey anco apmopvan lhip Visqui ingac.
Am colhnoc alyivey alyayajayam.
Am colhnoc ayilhtingyovam yingmin acvanyam.
5 Visqui ingac, acyimnatem anco lhip apcanamaclha.
Malha apquilnalhamomap aptomjac tingma apponquinomap, aclhamoclhojo acnim cotmongvoycamlha nelha.
© © Biblia en Enhlet (Lengua Norte) © Paraguayan Bible Society, 1995.
