Aptemaclha apanco enlhit
(Sal 53)1 Intomjac mataa apvalhoc meyascamcolhma:
—Mepqui Dios Visqui ingac — intomjac apvalhoc.
Acmasom apquiltemaclha najan actanovmalhca.
Paj lhama aptomjac appeyvomo nipyesicsa.
2 Apquilanoc mataa Dios apna netin, apvitac apquiltemaclha enlhitaoc.
Apquiltamjoc etac nipyesicsa aptomja apyascamco, actomja aclhanma apvalhoc etingya Dios.
3 Apquillhinganacmec aplhamoclhojo, apquiltomja melyascamco.
Paj lhama aptomja apyiplovquiscama actemaclha actamila.
4 ¿Mepqui ya apquilyascamco enlhit apquilmapsomcaa?
Apnatovasquic mataa enlhitaoc ajancaoc, malha aptoycaoc pan apquiltomjac.
Am eltomjac mataa selayo sicvisay Visqui.
5 Avanjec alhta apquilay, apquilpilhyinimquic anco.
Apquilvitac alhta Dios Visqui ingac aptomja appasmom enlhit apquilpeyvomo.
6 Apquilvennoc mataa apquilvisay enlhitaoc mepqui asoc.
Yitnec aljalhneycam apquilvalhoc Dios Visqui ingac yoyam epasmoc.
7 Ningiljalhnec nincoo singvomquiscama tap ningilvisay enlhitaoc Israel.
Etyapoc sat tingma Sión.
Emascocsic sat actemaclha apquilmomap enlhitaoc.
Copayjiclhac sat apquilvalhoc Jacob apquilmolhama.
Elitsovacsojoc sat enlhitaoc Israel.
© © Biblia en Enhlet (Lengua Norte) © Paraguayan Bible Society, 1995.
