Acnim yoyam covac sat
1 Aptomjac alhta Dios Apyimtalhnamo: Incamquitvaac acnim acyitsomalhca talha acvanyam congne malhic. Elmetic sat enlhitaoc ayajamalhco apquilvalhoc najan apquilmapsomcaa. Colhic sat alvatna talha, malha papiyov apmeta sat cotnejic. Mengyaymacpejec sat lhama. 2 Quellhip apquiltomjac selayo, elvitac sat sictemaclha sicpeyvomo, malha ayitsasquiscama acnim, actomja sintamilquisquiyam. Copayjiclhac sat apquilvalhoc quellhip, colhojoc sat alnilhtingayclha vayqui ayitcoc. 3 Eltacmoc sat quellhip enlhit apquilmapsomcaa, malha apquiltoyam quellhip lhopactic, sat cotnejic acvaa inlhojo as acnim — alhta aptomjac Dios.
4 Aptomjac alhta mocjam: Colyit apatic quellhip siyanamaclha macmescama Moisés netin inquilhe Horeb. ¡Apquilanyacpec apyovoclhojo enlhitaoc Israel elyiplovcasojo siyanamaclha najan siyascamaclha!
5 Quip elanajo quellhip: Ongvapajacsic sat profeta Elías yicpintama acvoy Dios Visqui acnim apanco. Malha singajem ningilay sat cotnejic. 6 Colhic sat ayasicjayquiclho mocjam nipyesicsa apyapmayc najan apquitquic. Coymalhquejec sat, yoyam oyanmongsiclha apquiltemaclha apancaoc, colhic acnatovasa apyovoclhojo enlhitaoc — alhta aptomjac Dios — nic nat aptomjac profeta.
© © Biblia en Enhlet (Lengua Norte) © Paraguayan Bible Society, 1995.
