Actemaclha actamilaycam ingvalhoc
1 Visqui ingac.
Ipeyvescasiclha sictomjaclha.
Mepqui sicsilhnanomalhca ajanco.
Mepqui sicyasquiyam lhip.
2 Jeyicpilcojo sat lhip.
Iyasamcojo sat sictemaclha coo.
Ipquin sat ayalhnaclhojo actemaclha evalhoc coo.
3 Lhip aptomja mataa seyasicjayo.
Acyiplovcasquic coo actomja nasoc anco.
4 Am alhta opasmac mataa apquilmopvancaa amyaa.
Am alhta opasmac mataa enlhit apquilaycmascam.
5 Motingyejec mataa apcaneyquiclha apquilmapsomcaa.
Mopasmejec mataa apquiltemaclha apancaoc enlhit.
6 Mepqui acsilhnanomalhca evalhoc coo.
Altamjo inyicje oyoclhojo lhip payjoc ningilmalhnancamaclha.
7 Otnejic sat siyayo lhip naysicsa sicminaycmascama.
Olngacsic sat lhip aptamjaycam simpilapquiscama.
8 Ayasicjavoc coo lhip apmaclha tingma apponquinomap.
Ayasicjavoc coo acyitnaclha gloria lhip aptemaclha apyimtalhnamo.
9 Jemyov sat coo apquilnapma lhip apquilmapsomcaa.
Jemyov sat coo apquilnapma lhip ticyovam yapmayc.
10 Acmasom apquilvalhoc as enlhitaoc.
Acmasom apquiltemaclha apancaoc.
11 Mepqui sicsilhnanomalhca ajanco.
Jeyasicjojo coo.
Jevomquis tap coo.
12 Mepqui acsilhnanomalhca evalhoc.
Otnejic sat siyayo Visqui ingac nipyesicsa enaymacoc (ninganeyquiclhilha).
© © Biblia en Enhlet (Lengua Norte) © Paraguayan Bible Society, 1995.
