Alipvoyam ingvalhoc
1 Visqui ingac apyimtalhnamo.
Actamila anco apmaclha tingma apponquinomap.
2 Inquilipvocmec mataa evalhoc.
Avanjec mataa aclhanma evalhoc tingma apponquinomap apmaclha lhip.
Actimec coo siyayo lhip ayinyema evalhoc coo.
Siyayo lhip aptomja apyimnatescama ingnenyaoc.
3 Inquileyvec nata ayitcoc najan alcactama yingmin.
Payjoc tingma pac apponquinomap.
Innamquic alyiticpongam alhanaoc.
Lhip Visqui ingac apyimtalhnamo.
Dios Ingyapam nincoo, aptomja Visqui ingac.
4 Apquilinyejemoc anco enlhit apnaycam tingma pac.
Apquiltimec mataa apquilayo cotmongvoyam nelha.
5 Apquilinyejemoc anco enlhit aptomja lhip appasmom.
Inlhenquic mataa apquilvalhoc elyacsic sat tingma apponquinomap.
6 Apquiljalhtipilhquitquic sat ancoc yancomilh, cotniclhac sat acyitnamaclha yingmin acmasis.
Malha ayinyema netin intomjac yingmin actamila.
7 Inyangvocmec apquilyimnatem naysicsa apquillhingam.
Elvitangvomoc sat Visqui apyimtalhnamo tingma Sión.
8 Dios Visqui ingac apyimtalhnamo,
Apvisqui apancaoc Jacob apmolhama, ingyeylhojo silmalhnancama.
9 Lhip Visqui ingac aptomja ningyilhanmom.
Quip jelanojo lhip seyacyescama sictomja visqui.
10 Actamila anco lhama acnim congne tingma apponquinomap, am colhno aclhamoclhojo acnim mepqui lha tingma apponquinomap.
Actamila anco olhic apatong tingma apponquinomap, am colhno opalhavomoc apnaycamcaclha enlhit apquilmapsomcaa.
11 Dios Visqui ingac aptomja apquitsasquiscama'lhma najan sintamilquiscama (ningyilhanmom).
Visqui ingac aptomja apcasicjayo najan apcayo apquiltomja apquiltamilcasomacpo apanco.
Am emyavac mataa asoc altamila.
12 Visqui ingac apyimtalhnamo.
Apquilinyejemoc anco enlhit aptomja apyilhanmeycam lhip.
© © Biblia en Enhlet (Lengua Norte) © Paraguayan Bible Society, 1995.
