Mactovascama tingma Jerusalén
1 Dios Visqui ingac.
Apquilvaac alhta cotnaja ingmoc.
Apquiltovasquic alhta tingma apponquinomap, lhip tingma pac.
Apquiltovasquic alhta tingma Jerusalén.
2 Apticyovquic alhta ingnaymacoc lhip apquilancam.
Apquilhaquic alhta apjapaoc apticyovam.
Eltovamcoc mama najan asoc navjac.
3 Mepqui alhta enlhit yoyam elatoynic.
Invitalhquic alhta ema acyanquinomalhca tingma Jerusalén, malha yingmin intomjac ema.
4 Ingilasmasquic nincoo enlhitaoc ningyava.
Singvenneycam apquiltomjac.
5 Dios Visqui ingac.
¿Co sat acvam comascoc lhip aptemaclha aplom?
Malha talha singiltovascama intomjac lhip aplom.
6 Quip ilanojo enlhitaoc melyicpilquemo lhip.
Iyanmongsiclha apquiltemaclha apancaoc apquileyvam moc yoclhilhma.
7 Ingiltovasquic alhta ningilvisay ningilmolhama Jacob.
Apquiltovasquic alhta ningaoclha.
8 Nojingilpejesquim nasa apquiltemaclha ningilyeyjamcaa apquilsilhnanomap.
Nongyane nasa onlingamcojo apyanmongsayclha lhip.
Mongvanquejec mocjam.
9 Dios Visqui ingac.
Lhip nac singvomquiscama tap. Jingilpasim nincoo.
Jingyinyovquis acmasom. Jingilasicjiclhojo mocjam.
Innec ayaco lhip apvisay.
10 Colapvanquejec jingilanic singinmelhaycam:
—¿Co laa apnaclha Dios Visqui apancaoc? — sat eltimjic jingilanic.
Pac ongilanojo aptemaclha lhip apyanmongsayclha apquiltemaclha apquilnapma ingnaymacoc.
Elyasingvomoc sat yoyam elvatsamcoc.
11 Ingyeylhojo lhip apquiliclhangveycam ingnaymacoc apquilmomap.
Imyov sat lhip ingnaymacoc apquilanyomap eticyo.
12 Apvennacpec alhta lhip ayinyema enlhitaoc ningyava nincoo.
Itne sat apyanmongsayclha apquiltemaclha apancaoc, acvaycmo siete veces.
13 Nincoo eyca ningilvisay lhip singilyacyescama.
Malha lhip apnatoscama.
Lhip aptomja sintamilquiscama.
Ontimjic sat mataa gracias lhip.
Ontimjic sat ningayo lhip naysicsa ningminaycmascama cotmongvoycamlha nelha.
© © Biblia en Enhlet (Lengua Norte) © Paraguayan Bible Society, 1995.
