Mepqui apyeycajascaoc appayvam Dios
1-2 Lhip Visqui ingac aptomja apyimtalhnamo nipyesicsa Jacob apquilmolhama.
Coyit apatic apvisqui David, actemaclha alhta aplingaycamco.
Actemaclha alhta aplhanma apvisqui David actomja nasoc anco:
3 —Molhejec sat siclho tingma ajac, moytejec sat siclho sicyitnamaclha.
4 Motyinejec sat siclho.
Moyinmomejec sat siclho.
5 Altamjoc otac siclho apmaclha Visqui ingac, aptomja tingma pac Visqui apyimtalhnamo nipyesicsa Jacob apquilmolhama — alhta aptomjac apvisqui David.
6 Ninlingac nincoo tingma Efrata yamitaysicsic acyitnamaclha Dios appayvam.
Ningvitac alhta yamit aysicsic amyip acvisay Jaar.
7 Noc, ongilyacsic apmaclha Dios.
Ongilticlhoc sat intapnaoc apnaclha lhip netin aptajanem.
8 Visqui, noc.
Ilha sat lhip tingma pac apponquinomap.
Elhojoc sat lhama yamit aysicsic acyitnamaclha lhip appayvam.
9 Ingyane sat lhip apquilancam eltimjic apquilpeyvomo, malha apquilantalhnayclha apava apquiltamila.
Ingyane sat elitsovacsojo lhip apquilyacyescama.
10 Jemyov sat coo sicvisay lhip apquilancam.
Noyinyov nasa aptomja apvisqui lhip apyacyescama.
11 Meyeycajacsejec mataa Visqui ingac appayvam actomja nasoc anco.
Aptomjac alhta Visqui ingac apcanya David:
12 —Lhip aptavin etnejic sat Apvisqui.
Elhic sat netin Apvisqui aptajanem.
Incaymalhquic lhip apquitquic elyiplovcasojo sicmayjayoclha coo.
Incaymalhquic elyiplovcasojo siyanamaclha yoyam olhicmocsic.
Apquitquic sat elhnam netin Visqui aptajanem.
Eltimjic sat apquilviscaa cotmongvoycamlha nelha — alhta aptomjac Visqui ingac.
13 Apyacyesquic alhta Visqui ingac tingma Sión netin inquilhe.
Apyacyesquic alhta etnejic maa tingma pac.
14 Aptomjac alhta Visqui ingac:
—Actomjac coo tingma ajac, moyinyovejec sat mataa.
Eycaso aclhanma evalhoc yoyam olhic cotmongvoycamlha nelha.
15 Otingyasquisic sat cotlaycaoc nintom.
Elyipcanmiclhac sat enlhitaoc mepqui asoc.
16 Eltimjic sat apquilvomsomap tap apquilancam, malha apquilantalhnayclha apava aptamila sat cotnejic.
Elitsovacsojoc sat apquiltomja silyacyescama.
17 Otnesquisic sat apyimtalhnamo apvisqui David.
Malha calevascama sat etnejic aptavin apyamonquiscama apvisqui.
18 Enatovasacpoc sat metnaja apquilmolhama.
Coytic sat apcatic apvisqui appocanma, aptomja apyimtalhnamo apanco — alhta aptomjac Visqui ingac.
© © Biblia en Enhlet (Lengua Norte) © Paraguayan Bible Society, 1995.
