Actemaclha ningayo Visqui ingac
1 Actimec siyayo lhip Visqui ingac ayinyema evalhoc coo.
Omnaycmacsic (olngacsic) sat aclhamoclhojo simpilapquiscama.
2 Lhip Dios apyimtalhnamo.
Payjeclhec evalhoc coo.
Avanjec siyitsovascama.
Omnaycmacsic sat siclingasa lhip apvisay.
3 Apquiltajavoc alhta cotnaja ingmoc.
apticyovquic alhta.
Apquilmasquingvocmec alhta napato lhip.
4 Appeyvescaseclhec alhta sictemaclha coo.
Lhip aptomja singyicpilquemo appeyvomo apna netin aptajanem.
5 Apquilinmelham lhip cotnaja nimpayvomó lhama.
Aptovasquic lhip apquilmapsomcaa.
Colhenalhquejec sat mataa apquilvisay cotmongvoycamlha nelha.
6 Mepqui mocjam apquilvisay cotnaja ingmoc.
Mepqui mocjam tingma apquilvanyam.
Lhip alhta aptovascama.
Melhenacpejec sat mataa apvisay tingma.
7 Visqui ingac aptomja apyimtalhnamo cotmongvoycamlha nelha.
Apquillaneclhec aptajanem etnejic sat singyicpilquemo.
8 Aptomja apyicpilquemo appeyvomo nipyesicsa apyovoclhojo enlhitaoc.
Aptomja appeyvescasquiclha appeyvomo mepqui apyeycajascaoc.
9 Visqui ingac aptomja apquilyilhanmeycam enlhit acyajapmo apquilvalhoc.
Apquilyilhanmam naysicsa apquillingaycamco acyimtalhnama.
10 Visqui ingac.
Ningyasamcoc lhip apvisay, am ongilyascacmoc nincoo.
Mejingyinyovejec mataa lhip ningilquitamsama lhip.
11 Elminaycmas sat apvisay Visqui ingac apna tingma Sión.
Ellingas sat aptamjaycam simpilapquiscama nipyesicsa enlhitaoc.
12 Dios Visqui ingac aptomja apyanmongsayclha apquiltemaclha ticyovam yapmayc.
Am colvoncacmoc mataa apquillingaycamco acyimtalhnama actemaclha apquilpalhamaycam.
13 Visqui ingac. Jemyov coo (jeyasicjojo).
Quip ilanojo actemaclha siclingaycamco ayinyema selinmelhaycam enlhitaoc.
Jevomquis tap acvisay atong alyascamaclha ingjangaoc.
14 Yoyam olngacsic sat lhip mayayo nipyesicsa tingma Jerusalén.
Silinyejemo coo ayinyema sevomquiscama tap.
15 Elmacpoc sat quiljanma apancaoc enlhitaoc lhalhma anco.
Malha yamyamayin intomjac quiljanma, yoyam elmacpoc apanco.
16 Apvitacpec alhta Visqui ingac actemaclha apyicpilquemo.
Apmacpec apanco quiljanma enlhit apmapsom.
17 Elpalhacsacpoc sat alyascamaclha ingjangaoc enlhit apquilmapsomcaa.
Najan maa enlhitaoc apquilyamasma Dios.
18 Comascoc sat alvoncayam enlhit mepqui apquilnatam.
(Meyinimsacpejec sat) Comasquejec aljalhneycam apquilvalhoc.
19 Visqui ingac. Itnimiclha netin.
Ingyane sat colhic alyicpilquemo enlhitaoc apyovoclhojo napato lhip.
20 Itnesquis sat acyivey ayay apquilvalhoc.
Visqui ingac. Ilyascasingvom as enlhitaoc.
Apquilvisay enlhit apancaoc, mepqui apquilmopvan.
© © Biblia en Enhlet (Lengua Norte) © Paraguayan Bible Society, 1995.
