Altar de bronce apquilvatnamaclha
(Ex 27.1-8)1 Apquillanac nic nat Bezaleel apquilvatnamaclha altar cuadrado, ayinyema yamit acacia. Acvamlha acvinatem dos metros y veinticinco centímetros moclhama nicja, najan acvamlha nitno un metro y veinticinco centímetros. 2 Innamquic nic nat cuatro inquipetaoc moclhama esquina tajescamaclha. Lhama ilhnic nat allanomalhca acyovoclhojo, jave acyipitsomalhca moc. Chapa de bronce ilhnic nat ayimpejic altar acyovoclhojo. 3 Apquillanac nic nat apquilmaycam de bronce: ceniceros, najan palas, najan tazónes, najan tenedores, najan braseros. 4-5 Apquillanac nic nat rejilla de bronce najan cuatro argollas de bronce, payjoc cuatro esquinas tajescamaclha rejilla, elatsiclhac sat travesaños alvinatem. 6 Apquillanac nic nat yamit alvinatem travesaños yamit acacia, ayimpeoc nic nat de bronce. 7 Apquilatcasquic nic nat travesaños avalhaoc argollos nicja altar colhic mataa acpatmaoclha. Yamit aysicsic mepqui avalhoc nic nat as altar.
Yingmin alhancoc de bronce
(Ex 30.18)8 Apquillanac nic nat Bezaleel yingmin alhancoc de bronce najan maa avjac. Ayinyema ilhnic nat quilvanaa alyamasma laneyo intalhamavo de bronce, altimesaycam mataa payjoc carpa apponquinomap amyip.
Patio nipyava carpa apponquinomap
(Ex 27.9-19)9 Apquillanac nic nat Bezaleel lhama patio carpa apponquinomap. Payjoc nipiyam acvamlha ilhnic nat cuarenta y cinco metros cortinas apava lino torcido. 10 Acvamlha ilhnic nat veinte postes alimja, najan maa veinte bases de bronce najan ganchos asoc'jalhem najan anillos de plata. 11 Payjoc nilhqueyja acvamlha ilhnic nat cortinas apava cuarenta y cinco metros, najan maa postes najan bases de bronce, najan ganchos asoc'jalhem, najan anillos de plata. 12 Payjoc nicja actalhningvamlha acnim cortinas apava apvamlha veintidós metros y medio, najan diez postes najan diez bases avjac. Najan ganchos asoc'jalhem najan anillos de plata. 13 Payjoc nicja actiyapmaclha acnim cortinas apava apvamlha veintidós metros y medio. 14 Payjoc atong, lhama nicja apvamlha siete metros cortinas apava, najan tres postes, najan tres bases avjac. 15 Payjoc atong, moc nicja apvamlha siete metros cortinas apava, najan tres postes, najan tres bases avjac. 16 Apyovoclhojo apava cortinas niyava patio allanomalhca lino torcido. 17 Bronce ilhnic nat allanomalhca bases coning postes, najan ganchos netin postes najan anillos allanomalhca plata. Postes naváyc netin alyipitsomalhca chapa de plata. Acyovoclhojo anillos netin postes del patio allanomalhca plata.
18 Cortina apava atong acyivey entrada allanomalhca apava morada, najan apava púrpura, najan apava apyilhvasem, najan apava lino torcido. Apvamlha ilhnic nat apvinatem nueve metros, apvamlha nitno dos metros y veinticinco centímetros, apno apava cortinas del patio. 19 Inquilinmec maa cuatro postes najan cuatro bases avjac de bronce. Ganchos asoc'jalhem allanomalhca plata najan anillos, najan postes naváyc netin alyipitsomalhca chapa de plata. 20 Najan estacas apquilmaycam santuario carpa apponquinomap, najan estacas del patio, acyovoclhojo estacas allanomalhca bronce.
Apquilmaycam acnaycaoc congne carpa
21 Apnec nic nat Moisés, najan Itamar, sacerdote Aarón apquitca, najan levitas. Apquilanyacpec nic nat levitas elyipsitic acyovoclhojo metales (oro, plata y bronce) apquilanomap carpa santuario apponquinomap.
22 Apcanyacpec nic nat Bezaleel, Uri apquitca, Hur aptavin, tribu apquilmolhama Judá, eyiplovcasojo apcanamaclha Visqui ingac, aplingascama Moisés, yavamlha etnejic. 23 Aptamjaycamó lhama ilhnic nat Aholiab, Ahisamac apquitca, tribu apquilmolhama Dan, apmopvan tava ápac apvisay herrero, najan tejedor apyipnatem apava, najan bordador apava morada, najan apava púrpura, najan apava apyilhvasem, najan apava lino.
24 Acvamlha ilhnic nat oro macmescama Dios, yoyam ellanacpoc santuario carpa apponquinomap, total novecientos sesenta y cinco kilos y treinta gramos, alyipsatomalhca balanza carpa apponquinomap.
25 Acvamlha ilhnic nat plata alyipsatomalhca tres mil trescientos diecinueve kilos, najan quinientos veinticinco gramos, alyipsatomalhca balanza carpa apponquinomap. 26 Apyovoclhojo enlhit veinte años apquiltiyascam najan tap apquilyipsatacpo seiscientos tres mil quinientos cincuenta enlhit. Moclhama apquilmescama nasa cinco gramos y medio de plata, alyipsatomalhca balanza carpa apponquinomap. 27 Inquillanalhquic nic nat bases santuario najan bases velo apava: acvamlha ilhnic nat tres mil trescientos kilos de plata. Acyovoclhojo ilhnic nat cien bases, acvisay treinta y tres kilos de plata moclhama base avjac. 28 Apquillanac nic nat Bezaleel ganchos asoc'jalhem netin postes, najan anillos, najan cubiertas, ayinyema ilhnic nat apquilmescama nasa apyovoclhojo enlhit.
29 Acvamlha ilhnic nat bronce macmescama Dios dos mil trescientos y seis kilos y cuatrocientos gramos. 30 Inquillanalhquic nic nat bronce base avjac payjoc atong acyivey, najan altar de bronce, najan rejilla de bronce, najan apquilmaycam payjoc altar apquilvatnamaclha. 31 Najan bases avjac, najan estacas payjoc patio niyava santuario carpa apponquinomap, najan bases atong acyivey payjoc patio.
© © Biblia en Enhlet (Lengua Norte) © Paraguayan Bible Society, 1995.
