Aclingaycamco ingvalhoc
1 Dios Visqui ajac.
Lhip nac semasma coo.
Almalhnam coo mataa lhip acnim anco najan alhtaa, yoyam jepasmoc.
2 Ingyeylhojo lhip silmalhnancama.
Ingyeylhojo lhip silmalhnaycam asoc.
3 Avanjec mataa siclingaycamco acyimtalhnama.
Inquitlhincasquic ongvitsapoc.
4 Apquilanem mataa nasoc anco siyitsepma yoyam jelatoynic.
Mepqui sicyimnatem coo (malha mepqui sicvanmoncama).
5 Sicyinyovmalhca coo, malha sicmatnam.
Malha sicyitnama congne tacjalhop.
Mepqui lhip aclhanma apvalhoc coo sicvisay.
Copvanquejec lhip jemyoc coo.
6 Etimcasquic lhip malhic congne.
Jalh olhma maa congne malhic.
7 Lhip ayinyema siclingaycamco acyimtalhnama.
Malha lhip sevayvamquiscama congne yingmin acvanyam.
8 Lhip ayinyema selyamasma enaymacoc, apquiltomja seltanoncama.
Malha sicmomalhca coo.
Movanquejec otyapoc (ongvinyejic).
9 Malha mepqui ajataoc coo ayinyema acyivey sicvinama.
Avanjec mataa siyevoycam lhip Visqui ajac aclhamoclhojo acnim.
Acmiyaseclhec mataa netin emeoc naysicsa silmalhnancama.
10 ¿Naso ya lhquip ellanac simpilapquiscama nipyesicsa apquilitsepma?
¿Naso ya apquilitsepma (apquiljangaoc) eltimjic apquilayo lhip?
11 ¿Inlingalhqui ya lhip aptemaclha apcasicjayo congne malhic (tacjalhop)?
¿Inlingalhqui ya lhip aptemaclha apcasicjayo alyascamaclha ingjangaoc?
12 ¿Inlingalhqui ya yatescamalhma lhip aptamjaycam simpilapquiscama siclhoc alhta?
¿Inlingalhqui ya nipyesicsa singilvoncayam (apquilitsepma) lhip aptemaclha appeyvomo?
—Ayinayc coo, paj.
13 Visqui ajac.
Coo eyca (ongvitsepac mocjam) avanjec anco siyevoycam:
Alhtoc mataa silmalhnancama coo:
14 Visqui ajac.
¿So actomja yi sevennéycam (setvasa) nac lhip?
¿So actomja yi apyilhanmam nac lhip (najato)?
15 Ayenmo sictemaclha ayitcoc siclingaycamco mataa acyimtalhnama, yoyam ongvitsapoc.
Lhip ayinyema mataa yoyam olngamcojo.
Movanquejec coo mocjam.
16 Aclingamcoc mataa lhip apyanmongsayclha nintemaclha acmasom.
Lhip ayinyema ayay evalhoc setvascama coo.
17 Malha yingmin acvanyam sevocjay coo, yoyam ovayvamcoc (jeyajic yingmin).
18 Paj mocjam sicmolhama, paj enaymacoc.
Lhip alhta seyinyovquiscama.
Sicpalhaviyam coo (siclhalhma) acvisay yatescamalhma, elhapco coo.
© © Biblia en Enhlet (Lengua Norte) © Paraguayan Bible Society, 1995.
