Actemaclha apquilpayescamo Dios apnaycam netin
1 Natamin as asoc alyajam alhta: Acvitac alhta acmayja atong netin. Aclingac coo lhama appayvam sepamejitquiscama siclhoc alhta, malha trompeta ninpayvascama alhta intomjac. Intomjac alhta appayvam seyanya coo: “Ilhingma sat aso netin. Olhicmocsic sat lhip asoc yoyam colvac sat” —alhta intomjac siclingay.
2 Pilapcasquic alhta apvaa Espíritu Santo tecjelhit selhicmosa asoc. Acvitac alhta acyitna netin Visqui aptajanem. Acvitac alhta lhama apma netin Visqui aptajanem. 3 Apquilyinmom alhta aptomja apma netin aptajanem. Malha lamom alyinmom alhta intomjac apquilyinmom, lamom acvisay jaspe najan cornalina. Acvitac alhta pimjit niyava Visqui aptajanem. Inquilyinmec alhta pimjit, malha lamom alyinmom acvisay esmeralda. 4 Acvitac alhta veinticuatro apquiltajanem niyava Visqui aptajanem. Apnam alhta netin apquiltajanem veinticuatro apquilimja apmamyi. Apquilmopoy alhta apquilantalhnama. Oro alyinmom alhta apquilpocanma. 5 Inquilantipquic alhta quilyinmayam Visqui aptajanem najan ayilhtingyovayam appayvam najan nata ayilhtingyovayam. Acvitac alhta siete talha alayvom amamyi Visqui aptajanem. Eycaso acyitsomalhca siete espíritus apquilinyema Dios. 6 Acvitac alhta amamyi Visqui aptajanem malha yingmin acvanyam, malha memong anyi ningvitangvoyacmo tap alhta intomjac.
Acvitac alhta netin najan niyava Visqui aptajanem cuatro asoc alyanca maa. Insovjomoc alhta ataoc ayimpeoc. 7 Acvitac alhta lhama malha yamacmeyva, najan moc malha vayqui inquinavo, najan moc malha enlhit napaat, najan moc malha mama naysicsa aplhingam. 8 Moclhama asoc acma seis alhimpancoc. Insovjomoc alhta ataoc ayimpeoc najan avalhaoc. Am alhta colvatsamcoc alpamesma acnim najan alhtaa:
Aptamila, aptamila, aptamila
aptomja Dios Visqui ingac apyimtalhnamo.
Apma siclhoc anco najan quilhvo nac jay najan evotac sat mocjam
—alhta intomjac alpamesma.
9 Inquilacoc alhta as asoc Dios apma netin aptajanem. Inquiltimescasquic alhta gloria aptemaclha apyimtalhnamo. Gracias alhta inquiltomjac, ayinyemaclha Dios aptomja apquilmilaneycaoc cotmongvoycamlha nelha. 10 Apnalhpolintamo alhta mataa nalhpop apquilimja apmamyi naysicsa alayo as asoc. Apnalhpolintamo alhta nalhpop napato apma netin Visqui aptajanem. Apquilpayasoc alhta aptomja apquilmilaneycaoc cotmongvoycamlha nelha. Apninquinquic alhta apquilpocanma acyitnaclha Visqui aptajanem. Apquiltomjac alhta:
11 Dios Visqui ingac, lhip aptomja apyimtalhnamo
yoyam colhic ayaco lhip najan apmopvan.
Ayinyemaclha lhip aptomja apquilantipquiscama aclhamoclhojo asoc.
Lhip apmayjayoclha ayinyema alanomalhca as asoc
—alhta apquiltomjac.
© © Biblia en Enhlet (Lengua Norte) © Paraguayan Bible Society, 1995.
