Apvamlha pac lhama apyimtalhnamo
1 Visqui ingac aptomja apyimtalhnamo.
Visqui aptajanem tacjaplhit ángeles (querubines).
Inyovjam as nalhpo.
Apquilpilhyinimquic apyovoclhojo enlhit.
2 Apyimtalhnamo Visqui ingac tingma Sión.
Apmopvan innac nipyesicsa enlhtaoc lhalhma anco.
3 Colhic sat ayaco apvisay.
Aptomja apyimtalhnamo najan mayayo.
¡Santo mayayo nac Dios Visqui ingac!
4 Apmopvan innac lhip. Appeyvomo apanco lhip.
Lhip ayinyema singanamaclha yoyam ongyiplovcasojo.
Lhip ayinyema apcanamaclha acpeyvomo, yoyam elyiplovcasojo Israel apquilmolhama.
5 Eltime sat apquilayo Dios Visqui ingac.
Elticlhic aptapnaoc quellhip apquinmamcaclha Visqui ingac.
¡Santo mayayo nac Dios Visqui ingac!
6 Sacerdotes nic nat apvisay Moisés najan Aarón.
Aptimec nic nat apcayo Visqui ingac (profeta) Samuel.
Apcatingmavoc nic nat mataa Visqui ingac, apquililmalhna inlhojo yoyam elpasmoc.
7 Appamejitcasquic nic nat Dios, ayinyema appayvam yipjopay ayimja.
Apquililyajaclhoc nic nat apcanamaclha Dios, yoyam elyiplovcasjo.
8 Dios Visqui ingac.
Apjalhnoc nic nat lhip yoyam ingyatingmojo.
Apcasicjaclhec nic nat lhip apquilsilhnanomap apanco.
Apyanmongsaclhec nic nat lhip apquiltemaclha apancaoc acmasom.
9 Eltime sat apquilayo Dios Visqui ingac.
Elticlhic sat aptapnaoc acyitnaclha inquilhe acvinatem acponquinomalhca.
¡Santo mayayo nac Dios Visqui ingac!
© © Biblia en Enhlet (Lengua Norte) © Paraguayan Bible Society, 1995.
