Apquiltemaclha apancaoc enlhit
1 Itnimiclha netin Dios Visqui ingac.
Apyanmongsayclha lhip apquiltemaclha apancaoc enlhitaoc.
2 Lhip nac singyicpilquemo apyimtalhnamo nipyesicsa enlhitaoc as nalhpop.
Iyanmongsiclha apquiltemaclha apancaoc apquilyimtalhnesomacpo apanco.
3 Visqui ingac.
¿Co sat acvam comascoc apquilitsovascama apquilmapsomcaa?
4 Avanjec mataa apquilyimtalhnesomacpo apanco.
Avanjec apquilpayvam apanco.
5 Visqui ingac.
Innec acnatovasa lhip apnaymacoc.
Innec acvennamcaa lhip apquilmolhama.
6 Apquilajac mataa lhintampaa najan cotnaja nintemolhama.
Apquilajac mataa apquilyeyjeycam.
7 Apquilanayquic as enlhitaoc metay lhip apquiltemaclha apancaoc.
Apquilanayquic mataa Jacob apquilmolhama metay lhip apquiltemaclha apancaoc.
8 Acyeyjamelhma nac quellhip.
¿Co sat acvam elyasingvomoc quellhip?
9 Singillanay Dios acyiplomo ingjaycaoc.
¿Mepqui ya apjaycaoc Dios Visqui ingac?
Singillanay Dios acyiplomo ingataoc.
¿Mepqui ya apataoc Dios Visqui ingac?
10 Apquiltamescama Dios enlhitaoc.
¿Mepqui ya apyanmongsayclha apquiltemaclha apancaoc?
Singiltamescama nincoo Dios, yoyam ontimjic ningilyascamco.
11 Apyasamcoc Visqui ingac alquitamsama apquilvalhoc.
Acyeyjamelhma apquiltomjac.
12 Visqui ingac.
Payjeclhec ingilvalhoc singiltamescama ayinyema lhip.
Singiltamsoycaoc ayinyema lhip appayvam.
13 Actamilaycam mataa ingilvalhoc naysicsa ninlingaycamco acyimtalhnama.
Actamilaycam ingilvalhoc, ningvita inlhojo malhic elatoynacpoc apquilmapsomcaa.
14 Mejingiltovacsejec sat mataa Visqui ingac ningiltomja ningmolhama.
Mejingyinyovejec sat mataa Visqui ingac ningiltomja singilyacyescama.
15 Ongvitac sat mocjam singyicpilquemo appeyvomo.
Nincoo eyca ongyiplovcasojo singyicpilquemo, acyitna inlhojo actamilaycam ingilvalhoc.
16 ¿Soc sat jepasingvota?
¿Soc sat jemyoc napatavo apquilmapsomcaa?
17 Am alhta ancoc jemyavac Visqui ingac.
Motyisamejec mocjam.
Ongvatoynalhcac alhta inyicje.
18 Intomjac alhta evalhoc:
—Actolhnac coo, inlhinganacmec evalhoc — alhta intomjac.
Epasingvoctac alhta lhip Visqui ingac acyiplomo seyasicjayo.
19 Avanjec alhta aclheneycam evalhoc yoyam olngamcojo.
Inyiplovcoc alhta lhip aptamilquisquiyam evalhoc yoyam cotamalvomoc.
20 Mepasmejec lhip enlhit singyicpilquemo, mepqui inlhojo apquilpeyvomo.
Acmasom mataa apquilpeyvescasquiclha.
Apquilinmelham singanama Dios appayvam.
21 Apquilpejescacmec mataa enlhit apquilpeyvomo.
Apquilanama yoyam eticyo, apquilanyomap apquilsilhnanomap apanco.
22 Visqui ingac aptomja sicyilhanmeycam.
Malha mataymong avalhoc, yoyam jemyoc Dios Visqui ingac.
23 Lhip Visqui ingac enatovacsic apquilmapsomcaa, Ayinyema apquilsilhnanomap apanco.
Dios Visqui ingac eyanmongsiclhac sat apquiltemaclha apancaoc.
© © Biblia en Enhlet (Lengua Norte) © Paraguayan Bible Society, 1995.
