Dios tingma pac
1 Dios tingma pac (Sión) apyitna netin inquilhe acponquinomalhca.
2 Avanjec apcasicjayo Visqui ingac tingma Sión.
Am colhno apcasicjayo apyovoclhojo tingma Jacob apquilmolhama.
3 Dios tingma pac.
Aplhenamap tingma aptamila apanco.
Intomjac alhta amyaa:
4 —Elyicpilcoc coo moclhama apquilvisay co Egipto, co Babilonia, co Filistea, co Tiro, co Etiopía.
Tingma aptiyaycamlha maa — alhta intomjac.
5 Eycaso apquilpayvam co Sión:
Tingma aptiyaycamlha as enlhit najan poc mataa.
Apvisqui apyimtalhnamo aptomja apquiltamilquiscama — alhta intomjac.
6 Aptalhosquic Visqui ingac vaycajac apanco apyovoclhojo apquilvisay enlhit:
—Aptiyaycamlha as tingma (Sión) — alhta intomjac aptalhescama.
7 Apquiltomjac mataa naysicsa apquilminaycmascama fiesta apancaoc:
—Coo tingma ajac apvisay Sión — apquiltomjac mataa.
© © Biblia en Enhlet (Lengua Norte) © Paraguayan Bible Society, 1995.
