Apquiltemaclha cotnaja ingmoc
1 Dios Visqui ingac.
Quip ilanojo cotnaja ingmoc.
Ipecjicsojo sat apyanmongsayclha apquiltemaclha apancaoc.
2 Quip ilanojo apquiltemaclha apquiltanoncama cotnaja ingmoc.
Apquilinmelham mataa lhip.
Apquicjingvaac elanac quimpocjacme.
3 Yiplovcoc mataa apquilpamejitsomacpo yavamlha elinmelham lhip apnaymacoc.
Apquillhenacpec mataa lhip apnaymacoc (lhip apquiltamilquiscama).
4 Inquitamquic mataa apquilvalhoc jingiltovacsic nincoo.
Inquitamquic mataa apquilvalhoc jingilmascoscomoc, yoyam comascoc ningvisay.
Jingilvoncomoc sat ningilvisay Israel ningmolhama.
5 Yitnec alhta apquilpamejitsomap apquilmayjayoclha apancaoc.
Am alhta coyeycajalhcac mataa apquilvalhoc.
6 Apquilvisay maa: apnaycam coning carpa co Edom najan co Ismael.
Poc najan co Agar (ningilyeyjamcaa) najan co Moab.
7 Poc apquilvisay: co Gebal, najan co Amón, najan co Amalec, najan co Filistea najan co Tiro.
8 Apquilpasmec maa co Siria najan apquilpasmeyquiclha Lot apquitquic (Moab y Ammón).
9 Ilhnasojo sat lhip apyanmongsayclha apquiltemaclha, acno alhta Madián.
Acno alhta Sísara najan Jabín payjoc alvata Cisón. ,
10 Apnatovasacpec alhta payjoc tingma Endor.
Asoc ápaoc alhta apquilyitsomacpo apticyovam lhalhma anco.
11 Ilhnasojo sat lhip apyanmongsayclha apquilviscaa, acno alhta Oreb najan Zeeb.
Ilhnasojo sat lhip apyanmongsayclha apquilviscaa, acno alhta Zeba najan Zalmuna. ,
12 Apquiltomjac alhta apquilpayvam:
—Ontimjic sat inganco yoclhilhma (Canaán) actomja Dios apanco — alhta apquiltomjac.
13 Dios Visqui ingac.
Ilhnasojo sat lhip acno apquimposcay ayimpeoc najan yamit ava.
14 Ilhnasojo sat, acno talha acvanyam amyip acmeta, acvaycmo nalhma netin maa.
15 Ilminlhinaoc sat acyiplomo alhcajayam acvanyam.
Ilminas (itnesquis apquilay) sat acyiplomo yatepiyam.
16 Imanques sat yoyam eltingyac lhip apvisay Visqui ingac.
17 Elmancangvomoc sat, elangvomoc sat, acvaycmo apquilitsepma.
18 Alyasingvomoc sat: Lhip aptomja Visqui apyimtalhnamo apvamlha pac lhama.
Apvamlha lhip aptomja apyimtalhnamo apanco as nalhpop.
© © Biblia en Enhlet (Lengua Norte) © Paraguayan Bible Society, 1995.
