Singyicpilquemo Dios
1 Apcaneclhec alhta enlhit apquilyimtalhnamo (apquilyitsomacpo dioses).
Dios Apyimtalhnamo apnac alhta nipyesicsa, yoyam elyicpilcojo.
2 Apquilsilhnanacpec apanco quellhip apquilvisay apquilyicpilquemo.
Apquilmiyovquic mataa quellhip enlhit apquilmapsomcaa.
3 Elmiyov sat quellhip melyimnatem najan apquilyeyjeycam elpeyvescasiclha.
Elmiyov sat quellhip mepqui apquinatam yoyam elpeyvescasiclha.
4 Elmiyov sat quellhip melyimnatem najan mepqui asoc yoyam elpeyvescasiclha.
Elvomquis tap as enlhitaoc napatavo apquilmapsomcaa.
5 Apquiltemaclha quellhip mepqui apquilyascamco, mepqui apquilmopvan.
Apquileyvec quellhip naysicsa yatescamalhma.
Inyovjam as nalhpop.
6 Aclhenquic alhta inyicje:
—Apquilyimtalhnamo nac quellhip apquilyitsomacpo dioses.
Dios Apyimtalhnamo apquitquic quellhip — alhta intomjac siclhanma.
7 Comascoc sat quellhip apquilvisay apquilviscaa (apquilyimtalhnamo).
Naso, comascoc sat apquiltiyascam apno poc enlhit, elitsapoc sat.
8 Ingva, Dios Apyimtalhnamo.
Itne sat lhip Apvisqui as nalhpop.
Lhip nac apyimtalhnamo nipyesicsa enlhitaoc as nalhpop.
© © Biblia en Enhlet (Lengua Norte) © Paraguayan Bible Society, 1995.
