Visqui ingac apyimtalhnamo
1 Lhip Dios Visqui ingac.
Actamila lhip apvisay lhalhma anco.
Lhip aptomja apyimtalhnamo apanco, lhip apma netin.
2 Apmopvan innac lhip ayinyema apquillingascama apvapataoc najan sicaa ayitcoc.
Actomja ayinmelhaycam cotnaja ingmoc, actomja acnovquiscama cotnaja ingmoc.
3 Alanoc mataa netin, lhip nic nat apquillanay.
Piltin najan apyova, lhip nic nat apquillanay.
4 Inlhenquic mataa evalhoc:
—¿Jalhco ayinyema singilaneyo ningilvisay enlhit?
¿Jalhco ayinyema apquimlaycmo lhip enlhit apquitcoc? — intomjac evalhoc.
5 Inquitlhincasquic elinmalhingvoclha ángeles enlhit apquitcoc.
Aptimescasquic lhip apyimtalhnamo najan mayayo.
6 Etnejic sat apvisqui acyovoclhojo asoc, lhip nic nat apquillanay.
7 Avisqui ac ninatoscama nipquesic najan vayqui.
Avisqui ac asoc navjac aleyvam amyip.
8 Avisqui ac nata najan quilasma, najan aclhamoclhojo asoc aleyvam nayingmin — intomjac evalhoc.
9 Lhip Dios Visqui ingac.
Actamila anco lhip apvisay lhalhma anco.
© © Biblia en Enhlet (Lengua Norte) © Paraguayan Bible Society, 1995.
