Appeyvescasquiclha Dios
1 Quellhip apquilyimtalhnamo.
¿Impeyvo ya apquilpeyvescasquiclha quellhip?
¿Impeyvo ya apquilyicpilquemo quellhip?
2 Somcoc mataa alquitamsama apquilvalhoc quellhip.
Quellhip ayinyema acmasom apquiltemaclha enlhitaoc lhalhma anco.
3 Altamay apquilvalhoc ellanac acmasom ayenmo aptiyaycamlha (cotyaycamlha mocjam).
Altamay apquilvalhoc apquilmopvancaa amyaa ayenmo apquiltemaclha apquitcoc.
4 Apquilpayvam acyitsomalhca veneno acyeyva singiltaclhama (amaoc).
Apquilyitsomacpo yamacyeyva mepqui ajaycaoc, mepqui aclingay olhma.
5 Paj colngac mataa yamacyeyva aptemaclha appayvascama nimisma inyap.
6 Dios Visqui ingac.
Ilticpam sat lhip apquilmapsomcaa.
Colhic sat alintasa apmaoc.
Ilticpam sat malha asoc navjac aclom.
Colhic sat alintasa apmaoc.
7 Elitsapoc sat yoyam melvitacpejec mocjam.
Acno mongvitay yingmin coning lhopactic.
Elvitacpoc sat apjápaoc.
Acno ningvitay paat ápac (acyamay) nicja amay.
8 Elitsapoc sat acno acpong ayitsepma avalhoc ayimpejic.
Elitsapoc sat acno sicaa actiyam lapamqui.
Cotay mataa ayitsayolhma.
9 Elitsapoc sat acno yamit amaoc.
Malha acmeta naysicsa talha.
10 Copayjiclhac sat ingilvalhoc ningvita inlhojo acyanmongayclha apquiltemaclha apancaoc.
Ongvitac sat nalhpop acyivey ema apancaoc.
Coyilhvasic sat ingmancoc ninlhingam.
11 Onlingac sat amyaa:
—Ongillhocac sat acyanmongam ningilvisay ningilpeyvomo — sat cotnejic amyaa.
Naso, Dios Visqui ingac aptomja apyicpilquemo appeyvomo as nalhpop.
© © Biblia en Enhlet (Lengua Norte) © Paraguayan Bible Society, 1995.
