Tingma pac Visqui ingac
1 Apyimtalhnamo apanco Visqui ingac.
Innec ayaco Dios apna tingma pac (Jerusalén) netin inquilhe.
2 Sas anco. Actamila ayitsicsic inquilhe acvisay Sión.
Payjoc maa nilhqueyja (nelha lhopactic).
Actomja acpayesayclha apquilvalhoc enlhitaoc as nalhpop.
Tingma pac Visqui ingac apyimtalhnamo.
3 Apnec mataa Dios tingma Jerusalén, tingma apquiltamila apancaoc.
Aptomja aptamilquiscama as tingma ningyilhanmomaclha.
4 Apquilvocjac nanoc alhta apquilviscaa, yoyam elpasmoc quimpocjacme.
5 Intiyacmec alhta apquilvalhoc apquilvita.
Apquilinyajamquic alhta apyovoclhojo.
6 Apquilpilhyinimquic alhta ayinyema apquilay.
Malha quilvana intomjac aclingaycamco acmasca actimquisa ayitca.
7 Malha yatepiyam aptovascama barcos tiyascam nayingmin alinyema Tarsis.
8 Tingma pac Dios Visqui ingac apyimtalhnamo.
Ningvitac alhta tingma actemaclha ninlingay alhta siclho.
Metvasacpejec sat mataa tingma Jerusalén.
9 Dios Visqui ingac.
Inlhenquic mataa ingilvalhoc singasicjayo lhip congne tingma apponquinomap.
10 Dios Visqui ingac.
Innec ayaco lhip apvisay lhalhma anco as nalhpop.
Apmopvan innac lhip acyiplomo aptemaclha appeyvomo.
11 Payjeclhec apquilvalhoc apnaycam inquilhe Sión.
Apquilitsovasoc apnaycam tingma yoclhilhma Judá.
12 Eltiyaningvomjo quellhip.
Elyipsitaoc apquilvamlha tingma nitno nipyava tingma apyitna netin inquilhe.
13 Eltiyaningvomjo sat mataymong apjalhtam najan tingma apquiltamila.
Yoyam eliltimnam quellhip aptovana nanoc sat:
14 —Eycaso apmopvan apanco Dios Visqui ingac cotmongvoycamlha nelha.
Jingnaliclhac sat mataa nincoo — sat eltime elanic quellhip.
© © Biblia en Enhlet (Lengua Norte) © Paraguayan Bible Society, 1995.
